الكوميديا السوداء..أحمد سعد أخويا العالم اللي ضاع فينا

كنت اتابع أحد البرامج الحوارية مع الفنان أحمد سعد قال له المذيع.أنا عرفت ان ليك أخ عالم؟  اه اخويا العالم سامح سعدهو الوحيد (اللي ضاع فينا)...انا الحمد لله وكمان أخويا عمرو سعد، فيرد المذيع الفلته قول اخوك.اللي باظ.فيرد الفنان أحمد سعد ماهو لو كان طلع فنان كان كسب اكتر بكتير 
 

المذيع ؛ هو عالم في ايه؟ 

أحمد سعد:أخويا سامح سعد أول خمس سنين في كلية العلوم امتياز مع مرتبة الشرف وطلع مؤتمر كدا فأخدته اليابان يحضر ماجستير ودكتوراه وطلع هو الأول على اليابان في المجال بتاعه  فأمريكا خدته عملتله معمل من اهم عشر معامل في العالم،بس الدكتور أحمد زويل كلمه عشان ينزل يشتغل معاه في جامعة النيل،فـسامح  اخويا ساب امريكا وقالك انا هخدم بلدي ونزل مصر والحمد لله جامعه النيل قفلت وسامح دلوقتي 

أحمد سعد أخويا العالم الدكتور سامح سعد معاه عربية 28

بيعطل على كوبري اكتوبر عشان معاه عربيه 28 وايده كلها شحم وروحت جبته انا اخر مره
إلى هنا تنتهي الرواية الكوميدية التراجيديه.

وفي الحلق غصة ومرار وحزن طافح ودفين..ونفسي صعبانه علي قوووووي قووووي  لك الله يا مصرنا