كلام الناس بالشارع (٣)

الناس هم اهلنا وكلامهم فوق راسنا. الاختلاف الفكرى ليس عيبا طالما يصب داخل المصلحة العامة ومصلحة وأمن الوطن. الرأى والتعبير عنه من سمات العصر الحالى ولم نجده فى أزمنه سابقه. حمى الله مصر 
 

ماذا يقول الناس فى هذا الجزء والذى قد يكون الأخير فى هذا الشأن. 
١- وانا راكب القطار فى طريق العودة من أسيوط أثناء تصحيح الثانوية العامة. معلمين يتحدثون عن ضرورة زيادة المساحة التى يكتبها الطلبة بخط اليد فى الامتحانات بالثانوي العام فى صفوفه الثلاث. الطالب من كثرة الاعتماد على التكنولوجيا أصبح محتاج رفع مستوى مهارات الكتابة. لأنه بعد الثانوية العامة بيرجع تانى لمنظومة الكتابة. 
 

كمان مع احترام قرار الوزارة هو ليه الامتحان يتصحح مرتين مرة ورقى ومرة الكترونى. بدلا من هذا الإجهاد للوزارة. زود مراجع اضافى للامتحان الورقى واقترحوا إلغاء فكرة التصحيح الإلكتروني للجزء المكتوب باليد.
 

كمان ضرورة تصوير ورقة التصحيح جيدا. ولأن هناك أسئلة لن يتفق عليها المصححين مثل التعبير فى اللغة العربية وparagraph فى اللغة الانجليزية ولكل مصحح اسبابه الفنية. لازم نراجع منظومة الامتحانات تماما بالتعاون مع التعليم الجامعى.
 

٢- التموين. الناس بتتكلم عن توقف الدعم الاضافى الذى كان مقررا لبعض بطاقات التموين فى الموازنة السابقة. والسؤال هل هناك إضافات للمواليد الجديدة ؟ طب هل هناك زيادة فى مخصصات البطاقات التموينية وخاصة ان ال ٥٠ جنيه المقررة لكل فرد فى البطاقة قد فقدت جزءا كبيرا من قيمتها الشرائية الآن عن وقت اقرارها وخاصة ان هناك وفيات تم حذفهم يعنى حصل وفر ف الميزانية  . شكرا لجهود الدولة طبعا. لكن دا كلام الناس وهناك أولوية لدعم الطبقات الفقيرة فى برامج الحماية الاجتماعية.
 

٣- مين يحكم التوكتوك. التوكتوك / التروسيكل فتح بيوت كثيرة وشغل شياب كثيرين عاطلين. التوكتوك له فوائد اجتماعية. لكن من يحمى الناس من المتهورين والبلطجية والتصرفات الغير أخلاقية لبعض السائقين. مطلوب ترخيص التوكتوك بصورة رسمية من الدولة. ع الاقل ٥٠٠ج للترخيص. التوكتوك والتروسيكل احيانا يمثلوا ارهاب للناس فى بعض المناطق. مطلوب ترخيصه لفرض الرقابة الأمنية عليه.
 

٤- رؤية شخصية. اقترح فرض ضريبة استخدام الاسفلت على أصحاب السيارات الملاكى.  يتم دفعها سنويا. بما لا يقل عن ٥٠٠جنيه. هو انا كدولة بعمل طرق علشان الباشا يتمشى براحته عليها واعيد رصفها تانى وهو يغير فى موديلات السيارات براحته. على ان يكون التوريد لحساب وزارة المالية مباشرة.
 

٥- متى يتم اقرار التوقيع الإلكتروني لجميع المصالح الحكومية. دا سؤال مهم ؟ اصل فيه ناس يا باشا بتروح تصيف وهى ضامنه انه ح يتوقع ليها حتى أثناء غيابها وفيه ناس م بتطلع من بيوتها وفيه ناس بتنام للظهر تحت التكييف.
 

٦- لو مش عايزين غش فى الامتحانات العامة. راقب مواقع التواصل أثناء الامتحان. مفيش عمال نهائى داخل اللجنة فى وقت الامتحان. طبيب او ممرضة لإخراج السماعات من اذن الطلاب. دا العلاج الفعلى بنسبة ٩٠%. والنسبة الباقية اختبار صلاحية علمية قبل بدء الدراسة فى الكليات الطبية والهندسية لوقف قبول الغشاشين.
 

٧- هل معاشات تكافل وكرامه تصرف للمستحقين الفعليين. هل كل المستحقين فعلا ظروفهم تحتاج المعاش. يعنى مفيش ناس من اللى بتقبض معاش تكافل وكرامه ليهم حسابات بالبنوك ؟ يعنى مفيش ناس كانت بتشتغل ف الخليج فوق ال ١٠ سنين ومعاه اراضى واموال وتلاقيه بياخد معاش تكافل وكرامه ؟
 

٨ - متى تعلن التعليم عن انتخابات جديدة لمجالس أمناء الآباء والمعلمين بدلا من المجالس الحالية ووجوه لها سنواااات. عايزين تغيير دماء وافكار بدلا من مد لمدة عام.
والله الموفق والمستعان.