كلام الناس بالشارع (٢)
كلام الناس هو طريق بيعرفنا خطواتنا رايحه فين وموقفهم ايه واحنا فين وهم فين واعداء بلدنا بيروجوا لأيه. كلام الناس هو احاسيسهم اللى موجودة جواهم.
كلام الناس مهما كان قسوته فى بعض الأحيان لكنه دليل على وجود حرية تعبير عن الرأى بما فى ذلك انا. لولا وجود حرية وديموقراطية عمرى م كنت ح اقدر اكتب المقال من ةول العنوان. كان ممكن يتقال ليا كفاية وشكرا ليك وم نسمعش صوتك تانى. لكن دا محصلش نهائى. كلام الناس هو احاسيسهم ورغباتهم وتوقعاتهم وامنياتهم.
يا رب نكون بنعرف نوصل حاجة مفيدة للدولة ويكون م نكتبه مؤثر.لكن ما جديد هذا الأسبوع فى احاديث واقاويل الناس.
ونبدأ بالبيت الكبير التربية والتعليم
١- هو ليه م يكلفش التوجيه فى كل إدارة بالقيام بدور المعلم المشرف فى كل مدرسة لتقليص عجز المعلمين.. انت عندك على الأقل ٥٠ الف مدرسة حكومية × ١٢ مشرف بالمدرسة ( معلم مشرف لكل مادة على الأقل ) × حصتين يتم تخفيضهم للمعلم نظير الإشراف على المادة = مليون و٢٠٠ الف حصة يتم تخفيضهم نظير الاشراف. لو نفذنا الفكرة وقام التوجيه بدور المعلم المشرف فالعجز سيتقلص بمقدار ٦٠ الف معلم على الأقل.. لكن هل التعليم ستتجاوب مع الفكرة دى ولا.......؟
وهنا استفسار. هل لو مدرسة بها معلم واحد بالمادة اخفض له حصتين نظير الإشراف على المادة. يعنى اخفض له حصتين علشان يشرف على نفسه ؟ دا سؤال تخيل قد يكون صواب وقد يكون خطأ ؟
التعليم تقدر تريح نفسها من العجز بمجموعة إجراءات إدارية
٢ - مكافأة الإمتحانات ليها ١٠ سنين قيمتها ثابته. ح تفضل كدا لغاية امتى ؟ المكافأة دايما تعيد إلى الاذهان موضوع اساسى ٢٠١٤
٣- منظومة البيرول الخاصة بالمرتبات. جهد وتفكير رائع من الدوله. لكن الناس مش متقبله ده. الموظف كان فى وحدته او مدرسته مرتبى كام ويترد عليه. لكن دلوقت البيرول أصبح مركزى بالادارات وأصبح المرتب زايد ليه او ناقص ليه او الغلط ايه والصح ايه. الناس عايزة رجوع المرتبات تتعمل فى كشوف صرف من مسؤول الماهيات بالوحدة او المدرسة ومنظومة الدفع الإلكتروني وإلغاء منظومة البيرول.
٤- البصل يا ناس اللى كنا بنفطر بيه مع طبق الفول بقى الكيلو ب ١٥ و٢٠ جنيه. تخيل الجملة دى قايلها واحد غنى وحاله مرتاح فما بالك بشعور الفقير.
٥- جمله شبابيه بأحد القطارات " يا اسطى هم لو عايزين يعملوا حاجه ح يعملوها. هم لو عايزين يلموا دولارات السوق السودا اللى جوا مصر كلها ح تتلم ف ساعة، هم عارفين دبة النمله فين بس مش عايزين يتحركوا لأن دى ناس كبيرة ف بعضيها."
٦- عن التراشق الرياضى " هم عايزينه يتكلم ويشغل الناس بيه. معقوله هو طايح ومحدش قادر يكلمه ؛ لا دا هو بيتوجه علشان يقول ايه ؛ معقول الألفاظ دى ومحدش محاسبه "
٧- " لو باعوا الهوا ح يكسبوا مليارات ببلاش " م يعملوا رخصة المحمول الخامسة ويبيعوها لاجانب بالدولار. م يعملوا ترددات جديدة للشركات الحالية وياخدوا فلوسها بالدولار.
٨- لو جزء من أموال الصناديق الخاصة بالمجتمعات العمرانية الجديدة تم تحويله لوزارة المالية مش عجز الموازنه ح يقل. ولا احنا ح نخليها صناديق وجزر منعزله.
٩- الدولارات اللى فى الصناديق الخاصة وكافة الصناديق التابعة لسيادة الدولة هل تدخل ضمن الاحتياطي النقدى ؟ دا لو المعلومه سليمه وبرضو دولارات الهيئات العامه
١٠- هو ليه م يعملش حافز للمصدر اللى بيستورد من حصيلة صادراته بنسبة ٨٠%. يعنى لو شركة صدرت ب ١٠ مليون دولار واستوردت ب اكتر من ٨ مليون دولار من حصيلة تصديرها اعمل ليها حافز. ح يخفف ضغط عليك ومش ح يروح للسوق السودا
والله الموفق والمستعان.
