حزن وبكاء لطلاب علمى بسبب صعوبة الكيمياء.. وفرحة نسبية لـ"أدبى" من الجغرافيا

• حزن وبكاء لطلاب علمى بسبب صعوبة الكيمياء.. وفرحة نسبية لـ"أدبى" من الجغرافيا

أنهى منذ قليل طلاب الثانوية العامة بقسميها العلمى والأدبي امتحان مادتى الكيمياء والجغرافيا، حيث شكا معظم طلاب القسم العلمى من صعوبة مادة الكيمياء، بينما ارتسم على وجوه طلاب القسم الأدبى بعض من السعادة من أسئلة مادة الجغرافيا ومن خلال إحدى جروبات التعليم "حوار مجتمعى فى التعليم" والتى تديره داليا الحزاوى، مؤسس ائتلاف أولياء أمور مصر والخبيرة الأسرية، عن مستوى امتحانات الثانوية العامة اليوم الأحد، أبدت أولياء أمور طلاب وطالبات الثانوية عامة آرائهم على امتحان مادتى الكيمياء والجغرافيا.

حزن وبكاء لطلاب علمى بسبب صعوبة الكيمياء.. وفرحة نسبية لـ"أدبى" من الجغرافيا

وقالت إحدى أولياء الأمور عن صعوبة امتحان الكيمياء"الولاد خارجين منهارين من الكيمياء"، بينما علقت أخري "وحش جدا"، وأخري "صعب جدا جدا 😔".

وأضافت إحدى أولياء الأمور "حسبي الله ونعم الوكيل...انا مش عارفة الناس اللي قادرة علي الظلم دي مابتخفش من دعاء الناس عليها في الأيام دي بالذات...ده غضب من ربنا عليهم".

وقالت أخري "حرام بجد العيال كلها حتى المتفوقين خارجه تعيط.  ليه كده".

بينما علقت أخري "الامتحان محتاج دكتور ذرة ويمكن ميعرفش يحله كمان".

وقالت أخري "نكد عالعيال كده مش كفايه ضغط طول السنه 💔💔".

حزن وبكاء لطلاب علمى بسبب صعوبة الكيمياء.. وفرحة نسبية لـ"أدبى" من الجغرافيا

وأضافت أخري "حسبنا الله ونعم الوكيل بجد مش سهل كسره نفس العيال كده منهم لله".

واشتكت أخري قائلة"لم يتم توزيع ورق الاجابة قبل زمن الامتحان واتوزع كالعادة والامتحان كان طويل جدا مكفاش الوقت وصعب".

وقالت أخري "الامتحان سئ جدا والوقت لا يكف حسبنا الله ونعم الوكيل".

وأضافت أخري "لا حول ولا قوة الا بالله ليه كده تعب ولادنا ومجهودهم طول السنه تعب نفسى وارهاق مالى غير عادى ليه الامتحان يجى بالصعوبه دى حرام بجد حرام ولادنا كرهوا البلد وحاسين بقمة الظلم وعدم تكافؤ الفرص يارب رحمتك انت القادر فوق كل قدير".

حزن وبكاء لطلاب علمى بسبب صعوبة الكيمياء.. وفرحة نسبية لـ"أدبى" من الجغرافيا

وقالت أخري "ليه كدا حراااام اقسم بالله ولا سؤل مباشر فؤ الكيمستري وايه المقالي دا مفيش حد عرف يحل ومفيش ورق مفاهيم كافي لعلمي العلوم في المدرسه.. هو دا وعد الوزير لينا؟؟".

حزن وبكاء لطلاب علمى بسبب صعوبة الكيمياء.. وفرحة نسبية لـ"أدبى" من الجغرافيا

وقالت أخري "حسبي الله ونعم الوكيل الامتحان كان زفت".

ووجهت أخري كلامها لوزير التربية والتعليم "الامتحان سئ جدا حضرتك وعدت ان مفيش تعقيدات واسئله مش مباشره الامتحان محتاج اكتر من ساعه تانيه وقت اضافي للحل غير نوعيه الاسئله  الرجاء ارحموا اولادنا وحضرتك اوفي بوعدك لينا احنا كنا متفائلين انها هتكون احسن سنه في ثانوي السنه دي".

حزن وبكاء لطلاب علمى بسبب صعوبة الكيمياء.. وفرحة نسبية لـ"أدبى" من الجغرافيا

وعلقت أخري "حسبي الله ونعم الوكيل في اللي حاطط امتحان الكيمستري ليه بيعملوا كده في الاولاد، ودلوقتي يطلع من الوزاره الامتحان متوازن ومش عارف ايه واحنا وولادنا نخبط راسنا في الحيط، منهم لله بنتي من المتفوقات منهاره تماما ومكسور نفسها حسبي الله ونعم الوكيل".

وأضافت أخري "كسروا نفس أولادنا منهم لله".

وعلقت أخري "هو فين الامتحان اللى يتناسب مع كل الفئات لما الطلاب بتقول افكار اول مرة نشوفها، ومعدتش علينا فى اى امتحان اونموزج استرشادية ليه التعجيز ده".

وقالت إحدى أولياء الأمور "حسبى الله ونعم الوكيل. حطين ناس معقده نفسيا تعمل امتحانات معقده للولاد استفادوا ايه بالله !!!!".

فيما علق أحد المعلمين على امتحان الكيمياء على موقع التواصل الاجتماعى "فيس بوك" قائلا"امتحان الكيمياء صعب، وغير مطابق للمواصفات وجزئيات غير مقررة والوقت قليل جدا، حقيقى اللى حاطط الامتحان ده محتاج يروح مصحة".

وفى نفس السياق، أكد وزير التربية والتعليم والتعليم الفنى، الدكتور رضا حجازى، على المديريات التعليمية بالتنبيه على رؤساء اللجان بالتأكيد على الطلاب أن الامتحانات مستمرة عقب عيد الأضحى المبارك ووفقًا للجدول المحدد، حيث سيتم اسئناف الامتحان يوم الأحد الموافق 2/7/2023.

جدير بالذكر، قام الدكتور رضا حجازى وزير التربية والتعليم والتعليم الفنى ورئيس عام امتحانات الثانوية العامة، اليوم الأحد، بمتابعة امتحانات الثانوية العامة الدور الأول من خلال تقنية الفيديو كونفرانس بمقر الوزارة بالعاصمة الإدارية الجديدة.

حزن وبكاء لطلاب علمى بسبب صعوبة الكيمياء.. وفرحة نسبية لـ"أدبى" من الجغرافيا

وتواصل الوزير مع غرفة العمليات المركزية بالوزارة، حيث اطمأن على سير العملية الامتحانية بمختلف المحافظات، والتواصل مع جميع مديري المديريات التعليمية المتواجدين بغرف العمليات المحلية، كما اطمأن الوزير على وصول أوراق الأسئلة إلى جميع اللجان الامتحانية فى جميع المحافظات، كما شدد على التأكيد باستلام أظرف الأسئلة لكل مادة منفصلة.

ووجه الوزير بتوزيع أوراق الإجابة قبل موعد بدء الامتحان بعشرة دقائق، وتوزيع ورق الأسئلة فى الموعد المحدد مع بداية الامتحان.

كما وجه الوزير، بالتأكيد على رؤساء اللجان للتنبيه على الطلاب بعدم الحل في أوراق الأسئلة، لعدم الاعتداد بها، والإجابة فى البابل شيت وورقة المقالى فقط.

وشدد الوزير أيضا على التأكيد  على الطلاب بالإجابة في البابل شيت وورقة إجابة الأسئلة المقالية فقط وعدم الاعتداد بأي إجابة في كراسة الأسئلة.

حزن وبكاء لطلاب علمى بسبب صعوبة الكيمياء.. وفرحة نسبية لـ"أدبى" من الجغرافيا

وقد وجه الوزير مديريات التربية والتعليم، بالتأكيد على رؤساء اللجان بمراجعة الكاميرات داخل اللجان قبل بدء الامتحان، والمرور بالعصا الإلكترونية فى اللجان مرة أخرى.