أزمات فى طريق التعليم
وزارة التعليم هى افضل وزارات مصر تحقيقا للهدوء فى مصر. بيتنا الكبير اللى بيحتوينا. قيادات شؤون المعلمين فى استقبالهم بديوان الوزارة شىء مفرح بجد. بنطلع مبسوطين منهم ومن تعاملهم معانا. شىء فعلا ظهير قوى فى مساندة ودعم المعلمين. شكرا ليهم جميعا.
العملية التعليمية فى حاجة إليهم والى لمسات إضافية لتحفيز المعلمين أكثر وأكثر. احنا بنتمنى منهم عمل لمسات لإضافة تاريخ اضافى لهم فى العمل.
مثلا نقترح:
1- طلب عمل تعديل تشريعى فى قانون الكادر لإضافة الوظائف الغير واردة فى قانون الكادر إلى الإطار القانوني والتشريعى مثل وظائف مديرى المراحل ورؤساء الأقسام ووظائف المتابعة وتقويم الأداء.
2- انصاف المعلمين ومساواتهم بالعاملين ب قانون الخدمة المدنية فى نظم التقارير السنوية
فمثلا الموظف فى قانون الخدمة المدنية بيحصل على مرتبة كفء من ٨٠% بينما المعلمين يحصلون على مرتبة كفء من ٩٠%.. موظف الخدمة المدنية عنده مرتبة ممتاز فى التقارير ودى مش موجود فى كادر المعلمين.
3- تعديل الانصبة التدريسية للمعلمين ورفع نصاب حصص معلمى المرحلة الثانوية إلى ٢١ حصة ليصبح مثل معلمى المرحلة الاعدادية لتقليص العجز والترشيد للمال العام.
4- مخاطبة مجلس الوزراء لتغيير شروط صرف حافز الأداء وعلاوة الاعباء. لأنها شروط غير عادلة نهائيا. يعنى الموظف لو نزل تقريره عن مرتبة كفء بيتخصم منه حافز الأداء لمدة عام وعلاوة الاعباء لمدة عامين.مين ف الدولة بيتعمل معاه كدا سوى المعلم.
5 - النظر الى الخطة الاسبوعية للدراسة فى كافة المراحل ف عجز المعلمين برز وازداد عند تطبيق منظومة التعليم الجديدة بالابتدائي . حصص أولى وتانية وتالته ابتدائى كانت ٣٢ / ٣٣حصة اسوعياو م كانش فيه عجز ولما بقيت ٤٠ حصة اسبوعيا فى المنظومه الجديدة المدارس عانت من عجز المعلمين.
6- ايه المشكلة لو أصبح تدريس المواد الغير مضافة للمجموع on line وخاصة لطلاب المرحلة الثانوية. هو كدا مش ترشيد عجز ؟
7- فى التعليم الفنى التجارى ممكن اقلص تدريس حصص الإنجليزى للشعب اللى بتدرس مادة بيزنس وكدا اوفر عجز معلمين.
8- اتمنى استحداث منصب منسق منظومة التعليم الجديدة بالمرحلة الثانوية يكون له
الطلبة لأنهم احيانا بيكونو جزر منعزله.
9- مطلوب إضافة " عمل تحليل مخدرات " للقيادات عند التقدم لشغل الوظائف الإشرافية ووظائف الخدمات.
10- مطلوب عمل إضافات للبنية التكنولوجية للمدارس التى تحتاج إضافات وتوسعات.
11 - مطلوب إدخال الغاز الطبيعى للمدارس لانه أكثر أمانا عن اسطوانات البوتاجاز..
التطوير والتغيير والتعديل دايما مطلوبين منا. وكل ما نطلبه من أجل بيتنا الكبير. شكرا للقيادات اللى بتعلمنا وبتكبرنا وبتسمع لينا وبتدينا حرية التعبير وبتسمح لكل مبتكر انه يقرب منهم طالما وجدوا انه مبتكر جاد ومفيد. شكرا وزارتنا.
