"السبورة" دليلك للتفوق فى امتحان اللغة العربية للثانوية العامة.. تعرف على النصائح
- "السبورة" دليلك للتفوق فى امتحان اللغة العربية للثانوية العامة.. تعرف على النصائح
وجه موقع "السبورة"، لطلاب الصف الثالث الثانوى العام "الشهادة الثانوية"، نصيحتان للتفوق فى امتحان اللغة العربية، يوم الأحد المقبل، من خلال أ/ عبد الله الجبالي كالتالى:
** النصيحة الأولى وخاصة بطريقة حل الامتحان وزمنه:
- ابدأ بالتعبير هياخد معاك ربع ساعة.
- ادخل على الأدب هياخد معاك ١٠ دقائق لو فيه أدب نثري.
- ادخل على النحو هياخد منك نصف ساعة بالكتير.
- النصوص ساعة.. نصف ساعة لكل نص.
- القراءة ٤٠ دقيقة.. ثلث ساعة لكل قطعة.
"السبورة" دليلك للتفوق فى امتحان اللغة العربية للثانوية العامة.. تعرف على النصائح
## حل الامتحان كله كدة مش هياخد معاك أكتر من ساعتين أو ساعتين ونص بالكتير إن شاء الله... هات امتحانات واقعد ودرب نفسك إنك تحله في ساعتين أو ساعتين ونص بالكتير أوي أوي.
"السبورة" دليلك للتفوق فى امتحان اللغة العربية للثانوية العامة.. تعرف على النصائح
##كدة هيتفضل معاك نص ساعة، هتضيع في توزيع الورق ولم الورق والكلام وكدة والإمضاءات ولتسجيل الحل ومراجعة الحل، ويبقى أنت كدة استغليت الـ ٣ ساعات صح.
"السبورة" دليلك للتفوق فى امتحان اللغة العربية للثانوية العامة.. تعرف على النصائح
** النصيحة الثانية وخاصة بورقة الإجابة:
وأنت بتعلم على الدوائر، راجع ثم راجع ثم راجع إنك علمت على الدائرة اللي أنت عاوز تعلم عليها فعلا، لأنك ممكن مع التوتر أو الكلام في اللجنة عينك أو ايدك تخونك، فالنصيحة هنا إنك تراجع ثم تراجع ثم تراجع وتتأكد وضعك الإجابة في الدائرة المظبوطة.
"السبورة" دليلك للتفوق فى امتحان اللغة العربية للثانوية العامة.. تعرف على النصائح
## اوعى تنسى إنك في ورقة الإجابة تكتب الكود اللي على ورقة الأسئلة.
وفى نفس السياق، نشر الزميل أحمد حافظ منشور على موقع التواصل الإجتماعى "فيس بوك" بعنوان ده صوت الطلبة اللي لازم يوصل لوزير التعليم قال فيه:
⚠️ بعد يومين من امتحانات الثانوية العامة.. أخطاء تحتاج تدخل الوزير:
1️⃣= شكاوى متكررة من الطلاب في بعض اللجان من إجبارهم على تظليل الإجابة في البوكليت وتظليلها في البابل شيت.. مع إن وزير التعليم أكد أكتر من مرة إن الوزارة مش هتعترف بأي إجابة في البوكليت.. مين صاحب التعليمات دي؟.. وليه اللجان شغالة عكس الوزارة؟.
2️⃣= تصوير بعض الأسئلة ونشرها على منصات التواصل الاجتماعي عرض مستمر.. والإجابات برضو عرض مستمر.. إيه الحل؟
3️⃣= كاميرات المراقبة امبارح رصدت اتنين ملاحظين بيسهلوا الغش في لجنة.. طب دول اترصدوا على الشاشة، ليه كملاحظ تسهل الغش؟ يعني الوزارة محملاك أمانة ومسئولية.. ليه متكونش على قدر المسئولية؟.. على العموم الاتنين الملاحظين هيتحولوا نيابة عامة.
4️⃣= النهاردة صدر قرار من وزير التعليم بتفتيش الطلاب أثناء عقد الامتحان، مش تفتيشهم وهم داخلين بس.. يعني الطالب هيتفتش أكتر من مرة.. هل ده مش من وقت الامتحان وهياخد من تركيز الطالب.. طب إيه إجراءات التفتيش اللي تحفظ الهدوء في اللجنة؟
5️⃣= الطالب اللي هيصور وينشر أو يتمسك معاه موبايل أو وسيلة غش هيتحول للنيابة العامة وده قرار صدر النهاردة.. انت مستعد لكده؟
6️⃣= شكاوى متكررة من تأخر دخول الطلاب لبعض اللجان بسبب إجراءات التفتيش.. ما تفتح اللجنة بدري يافندم وتفتش بدري والطالب يستلم ورقة الأسئلة الساعة 9 بالثانية؟!
7️⃣= كان فيه قرار بتشكيل لجنة لمراجعة الامتحان كل يوم ومطابقته بنموذج الإجابة قبل بدء التصحيح.. ليه قرار اللجنة إن الامتحان مطابق للمواصفات أو فيه أسئلة غامضة أو تعجيزية أو مش مطابقة للمواصفات، ميطلعش ويكون معلن للطلاب.. خاصة إن فيه شكاوى بالجملة النهاردة من امتحان الإحصاء.. والمفروض إن اللجنة دي تقول يا الامتحان تمام يا الامتحان فيه أسئلة هتتوزع درجتها، أو الطلبة هتاخد درجتها، أو أو.. ده حق الطلاب يا فندم.. وده كان وعد الوزارة قبل بداية الامتحانات.
8️⃣= فيه شكاوى متكررة من رفض اللجان دخول الطلاب بأي ساعات في الإيد حتى لو ساعة عادية.. وده قرار مجحف الحقيقة، لأني كطالب من حقي أعرف الوقت كل شوية، ومن حقي أتابع باقي قد إيه من الوقت.. من حقك تمنع الساعة الذكية اللي ممكن تستخدم في الغش لكن مش من حقك أبدا تحرمني أظبط الوقت بتاعي داخل اللجنة ولو بساعة عادية.
9️⃣ لما طالب يقولي أنا نسيت اكتب رقم الجلوس أو نسيت اظلل رقم النموذج، معلش اومال وظيفه المراقب ايه مش المفروض مهمته مراجعه بيانات الطالب !!!
🔴= أتمنى تفادي السلبيات اللي حصلت في امتحانات المواد غير المضافة للمجموع، علشان المواد الأساسية اللي هتبدأ الأسبوع الجاي، لا تحتمل غلطة واحدة.. لأن مصير الطالب اللي بيتحدد في 3 ساعات وهو زمن الامتحان، مش هيكون مقبول العبث بيه من أي حد في أي لجنة.
