الاقتصاد فى مصر.. دولتنا سوق كبير للشركات العالمية
الناس بتصرخ من التضخم دا أمر عالمى لكن مصر لها خصوصية. تأخر الاصلاحات الاقتصادية وتأخر كثير من الاجراءات لعقود وضع الجميع حاليا فى حرج كبير. الناس اتعودت على دعم غير محدود واستهلاك يفوق الحدود وانفاق يفوق الدخل الخاص بهم وعندما حاولت الدولة الترشيد والاستخدام الأمثل حدثت صدمة نفسية قبل أن تكون اقتصادية للبعض. لأنك كمواطن متعود على اللى يسندك فى حاجات كتير بالمجان وفجأة قالت الدولة كفاية كدا أنا مش قادر اصرف عليك فى كل حاجة وأعطيك بالخسارة اسند نفسك بنفسك فى شوية حاجات..
متعودين على ابو بلاش
الاغنياء اللى متعودين على ابو بلاش أو المقتدر اللى يقدر يعيش من غير دعم.. الناس دى زعلانه ليه.. هو الحق بيزعل؟ انت قادر ف اترك مكانك لمن لا يقتدر..
انت مين علشان تتكلم
اكتر جملتين تاعبين حياتنا فى مصر ( انت مين علشان تتكلم – وكبر دماغك مش انت اللى ح تصلح الكون ) ف أى انسان نشيط يبكى ويغير على المصلحة العامة ح يعقدوه ويطفشوه ويجعلوه كاره الحديث رغم قدراته على التفكير والابداع من أجل المصلحة العامة بل ان هناك موهوبين لم يجدوا انفسهم الا خارج البلاد. يا ريت يتغير اسلوب المعاملة الحالية من بعض الكيانات الرسمية لتتحول من التخويف الى الطمأنه. الناس دى حتى لو مش عاجبك اسلوب او طريقة كلامها ف الناس دى بتحبكم وبتتكلم ليكم ومعاكم جوا الكيان ولم يخرجوا عن النص.
ملاحظات نتمنى النظر اليها :
** قرار رئيس مجلس الوزراء بشأن اوزان المخبوزات وأسعارها هل يتم تطبيقها. هل يتم متابعة المخابز من التموين ؟ هل يتم كتابة اسعار المخبوزات واوزانها أم ان المواطنين متروكين لأهواء اصحاب المخابز الخاصة ؟ اصحاب المخابز والمطاعم مطلوب التشديد عليهم لأن الاوزان والأسعار اصبحت مقلقة. والمواطن مجبر على الشراء.
يجب على الدولة التشديد على القطاع الخاص فى مجال السلع الغذائية. دى الخلاصة.
** أسعار الانترنت يجب النظرة اليها بشدة فهل تتخيل ان سعر الانترنت موحد للاستهلاك المنزلى والحكومى والتجارى ؟ هل من يستخدم الانترنت كنشاط تجارى له نفس سعر المستخدم المنزلى والحكومى ؟ يجب النظرة لزيادة دخل المصرية للاتصالات ؟
** معاشات تكافل وكرامة هل يحصل عليها المستحقين فعلا ام هناك اغنياء يحصلون عليها. طب لو طبقنا مقارنة ل داتا بيانات الرقم القومى لمن يحصلون على معاشات تكافل وكرامة وراجعناها مع داتا الارقام القومية للمودعين بالبنوك سنجد اغنياء واثرياء يحصلون على تلك المعاشات !!!!
** لماذا تدخل البنوك فى اذون الخزانة بأسعار فائدة كبيرة تفوق معدلات فائدة البنك المركزى رغم ان مدد اذون الخزانه تكون أقل ؟ خاصة أن هناك كثيرا من البنوك مملوكة للدوله ؟
** المواطنين اللى حاصلين على قروض من بنوك بفائدة قليلة ووضعوها فى بنوك أخرى بسعر فائدة أعلى او استثمروا اموال القروض فى شهادات ببنوك أخرى غير المقترضين منها. أليس ذلك تربحا فى المال العام ؟
** أصحاب المصانع الكبيرة اللى بيستثمروا فى اذون الخزانة وهم عليهم ديون للضرائب ولقطاعات الدولة وللبنوك. هم بيسددوا ديونهم من التربح فى المال العام. ازاى اقبل استثماراته فى اذون الخزانه وهو مديون للدولة ؟
** موظفى القوانين الخاصة الغير خاضعين لجدول أجور الخدمة المدنية ولا توجد فى قوانينهم جداول اجور. هل هم ازمة مستترة ومؤجلة ومواجهة تلك الازمة غير معلوم الوقت ؟ وخاصة المعلمين !!!!!!
** متى يتحقق استقرار فى سعر الصرف الاجنبى او التعامل على قدر الدخل السنوى من العملات انت كجهاز مصرفى جايلك 15 مليار من السياحة وقناة السويس و65 مليار دولار من تحويلات المواطنين والصادرات. يعنى 80 مليار دولار سنويا ثابتة ؟ السوق السوداء مصدرها ايه ؟
** الدعم التموينى للسلع المخفضة بشركات القطاع العام يجب ان تكون بالبطاقات التموينية حتى لا يتم تهريبها الى الهايبرات والقطاع الخاص ؟ دا انا عايز اقول حاجة مفاجأة – الكراتين اللى يتم تعبأة السلع فيها. بتروح فين الكراتين دى بعد تفقريغها من السلع ؟
انت لو ربطت الارقام القومية لبطاقات التموين بحسابات البنوك وببيانات اصحاب السيارات الفارهة فى المرور ح تستبعد اغنياء كتير من الدعم.
** التضخم فى السلع الغذائية هل يعود للهدوء ويستقر ؟
** سلع رمضان 23 هل محتاجة ميزانية اضافية. وليه شهر رمضان شهرته الأكل والشرب والأعباء الاقتصادية ؟
وفى النهاية نتمنى الراحة والسعادة للجميع.. وفق الله القائد الاب والإنسان.. ربنا معاه..
