أغنية "انا بحبك يا مصطفي".. عندما منع عبد الناصر عرضها في مصر!
الأحد 29/أغسطس/2021 - 05:59 م
نشرت صفحة "G r a m a p h o n e" علي موقع التواصل الاجتماعي "فيسبوك" تقريرا بشأن عندما منع عبد الناصر عرض أغنية "انا بحبك يا مصطفي".
وتضمن التقرير التالي:
- " مصطفى يا مصطفى أنا بحبك يا مصطفي .. " الأغنية اللي لفت العالم كله ، و اتمنعت في مصر لسبب عجيب !
تعالوا نعرف حكاية الأغنية .. محمد فوزي لحن الأغنية الاول ل داليدا و داليدا ذكرت ده في حوار مع سمير صبري ، لكنها اعتذرت عن الاغنية و رشحت اخوها ( مورو ) هو اللي يغنيها ، و بالفعل غناها .
لكن بعد كدا غناها مطرب تاني اسمه " بوب عزام " و قدراً الأغنية نجحت و انتشرت بصوته هو ..
الأغنية انتشرت في دول اوروبا كلها و اترجمت للايطالية و الاسبانية و الفرنسية و غيرهم للغات كتير ، و تم تصنيف الاغنية بانها ضمن افضل 20 اغنية في فرنسا وقتها .
الأغنية نقلت بوب عزام نقلة تانية فسافر اوروبا و غناها في دول كتير لحد ما هاجر بشكل نهائي ل سويسرا و استقر هناك و فتح ملهى ليلي و فضل يغني فيه لحد وفاته في 2004 .
المهم سنة 1960 مجلس قيادة الثورة أصدر قرار بمنع الأغنية لانهم ظنوا ان الزعيم مصطفى النحاس هو المقصود بالاغنية و جملة " سبع سنين في العطارين " أي سبع سنوات مرت على إسقاط الملكية وقيام الجمهورية .. !
