"حجر رشيد".. عندما فك شامبليون لغز الحضارة المصرية القديمة
الأربعاء 18/أغسطس/2021 - 09:59 م
نشرت صفحة تاريخ مصر القديم علي موقع التواصل الاجتماعي "فيسبوك" تقريرا بعنوان "حجر رشيد".. عندما فك شامبليون لغز الحضارة المصرية القديمة.
وإليكم نص التقرير:
حجر رشيد مكنش حجر وعليه شفرة وشامبليون فك الشفرة دى زى فيلم القرموطى كده ، حجر رشيد كان عليه لغة
مش عارفين يقرأوها وشامبليون توصل لطريقة قرايتها لغة بقواعد ونحو واعراب وفاعل ومفعول به وكل حاجة زى اى لغة اه والله نحو واعراب شعرنا شاب منه فى الكلية.
وجه من بعد شامبليون مئات العلماء وطوروا الموضوع ومعرفتنا باللغة وده اللى بيدرسه طلبة الاثار حول العالم دلوقتى.
بعنى بيدرسوا طريقة علمية خاضعة للتجربة وانك تتاكد منها بنفسك مش بيدرسوا طقوس عبادة شامبليون.
على الجانب الاخر ممكن واحد ماعداش عليه كل ده ولا يعرفه واكيد مش هيضيع وقته يدور ، بس هو شخص محنك بيحب يدلو بدلوه فى كل حاجة فيدخل من عنده كده جدعنة يقولك اصل علماء الاثار اجانب وانتوا بتدرسوا غلط واصل انا مش مقتنع ، وده طبعا كفيل بانه يخلى اى دارس اثار ياخده ويحضن بيه برج ضغط عالى.
