هل كان الملك اخناتون موحد بالله حقا ؟
الثلاثاء 17/أغسطس/2021 - 03:49 م
نشرت صفحة تاريخ مصر القديم، علي موقع التواصل الاجتماعي "فيسبوك"، تقريرا عن الملك اخناتون تحت عنوان هل كان الملك اخناتون موحد بالله حقا ؟
وإليكم نص التقرير:
الملك اخناتون كان بيدعو لعبادة اله واحد وهو إتن (آتون) وهو قرص الشمس نفسه، واللى متصور فى جداريات كتير بيحتضن ويلمس اخناتون بأشعته وفى آخر ايدين كل شعاع علامة العنخ اللى هى الحياة، اتون هو قرص الشمس بيعطى الحياة يعنى ومفيش أوضح من كده فالجداريات والنصوص بتجسد الفكرة التجسيدية دى.
وكمان كان بيتعامل معاه انه ملك حى ويحط اسمه فى خراطيش.
الغريب فى الموضوع هو الناس اللى بتقول اصل اخناتون موحد بالله زيهم ومؤمن زيهم ويبدأ فى وصلة تكفير ضدك، وده معناه ضمنيا ان الناس دى يا إما بتعبد الشمس ولازم يستتابوا كده طبقا لمفاهيمهم، أو مش فاهمين حاجة عن الموضوع وبيتناقشوا فى عبث، او يمكن شافوا مسلسل الاطفال الايرانى: يوسف الصديق اللى هو كله هبد تاريخى وأزياء مضحكة وسيناريو وحوار كوميدى وعجبهم فلغوا عقولهم وصدقوه.
