نتيجة الثانوية العامة 2021.. محسن أبو غزاله: مفيش طالب جايب ١٠٠٪ ولا ٩٥٪.. وانخفاض كبير في تنسيق الجامعات
الإثنين 16/أغسطس/2021 - 10:13 م
قبل ساعات من إعلان نتيجة الثانوية العامة 2021 نشر المعلم محسن أبو غزاله تدوينة علي جروب مائدة المعلمين علي جروب اتحاد معلمي مصر، عل موقع التواصل الاجتماعي "فيسبوك" تضمنت الآتي:
- مفيش طالب جايب ١٠٠٪ ولا ٩٥٪ حتى " وفق مصدر مسؤول" والله اعلم انا نفسي مش مصدق الحقيقة لحد دلوقتي
- انخفاض الحد الادني لتنسيق الجامعات الحكومية مقارنة بالأعوام الماضية بشكل كبير جدًا
- انخفاض الحد الادني لتنسيق الجامعات الخاصة مقارنة بالأعوام الماضية واللي بيكون أقل من الجامعات الحكومية بحوالي ٥٪
- انخفاض الحد الادني لتنسيق الجامعات الأهلية مقارنة بالأعوام الماضية واللي بيكون أقل من الجامعات الحكومية بحوالي ١٠٪ واقل من الجامعات الخاصة بـ ٥٪
- الإشكالية التي تواجه وزير التربية والتعليم هى تحدي وعي وادراك الطلاب وأولياء الأمور بالمجاميع وانها لن تؤثر على التحاق الطلاب بالكليات وفق مجموع كل طالب بالرجوع لشرائح المجاميع.
- وزير التربية والتعليم طلب من وزير التعليم العالي مشاركته في المؤتمر الصحفي لعرض بعض المؤشرات بعد الإعلان عن النتيجة لطمأنة الرأي العام، والكواليس تشير إلى حدوث موقف من عبد الغفار يعزز ويساند فيه شوقي.
- التخوف جي من لمقارنات اللي هتحصل يعني مثلا طب السنة اللي فاتت كان الحد الادني ليها ٩٨.٥٣٪ ممكن السنادي تبقي ٩٢٪ مثلا .. وبالتالي البعض مش هيدرك أن انخفاض المجاميع بالتبعية هيؤدي لانخفاض الحدود الدنيا للالتحاق بالجامعات .. فيجي طالب السنة اللي فاتت جايب مثلا ٩٦٪ معرفش يدخل طب ب.. س السنادي طالب ممكن يكون جايب ٩٤٪ ويدخل طب عادي .. " الأرقام كمثال للشرح وغير حقيقية بالمرة"
-فصل تنسيق الجامعات الخاصة عن الجامعات الأهلية بسبب المجموع الاعتباري واختلاف معايير القبول
- وزارة التعليم العالي قررت تعديل مسار مدينة زويل وعدم ضمها للتنسيق الحكومي والتقدم لها يكون من خلال موقع الجامعة الرسمي.
- طلاب الشهادات المعادلة العربية والأجنبية زي ما هما مفيش تغيير ليهم في تنسيقهم.
-تحدي انخفاض المجاميع هيأثر بالتأكيد على طلاب المعاهد الحكومية والخاصة ودة هيظهر في المرحلة التانية والتالتة من التنسيق... بس معمول حسابه كويس.
- جامعة خاصة مملوكة لأثنين من أعضاء مجلس النواب والشيوخ في ورطة بسبب تزوير ٥ طلاب شهادات التحاقهم في الجامعة واكتشاف الأمر وهما في الفرقة النهائية السنادي
- معلومة قديمة اوي .. سنة ١٩٦٧ كان التحاق الطلاب بكلية الطب بمجموع ٦٨٪
