تعرف علي كيفية احتلال الهكسوس لمصر
الجمعة 30/يوليو/2021 - 03:27 م
نشرت صفحة تاريخ مصر القديم، علي موقع التواصل الاجتماعي "فيسبوك"، تقريرا عن الهكسوس واحتلالهم لمصر وتضمن التقرير التالي:
الهكسوس فى بداية دخولهم لمصر مكانوش محاربين، كانوا جايين مصر هربانين من ظروف معيشية صعبة واراضى قاحلة ، والمصريين بطبعهم شعب طيب بيحتوى الغريب.
ولما القعدة عجبتهم بعتوا لأهاليهم وقرايبهم ييجوا لمصر ، وبعدها بعتوا يتجوزوا من بره مصر لحدما خلقوا مجتمع خاص بيهم داخل المجتمع المصرى وهنا ظهر وجههم الحقيقى لما ابتدوا يتعاملوا بالعنف مع المصريين وينكلوا بيهم وابتدوا يلموا الجباية واللى ميدفعش يموت، بقت بلدهم بقى يرمحوا فيها براحتهم
ولما المصريين فى الجنوب ابتدوا يكافحوا ضدهم بعت الهكسوس للنوبة القديمة يطلبوا منهم يتحالفوا معاهم ويعملوا عالمصريين كماشة.
ولما كامس قرر يحاربهم طلعله مصريين يقولوله وتحارب ليه ؟ مصالحنا زى الفل !!.
وحتى لما جدنا احمس طردهم طلع متمردين عليه "الله اعلم هل هما فعلا هكسوس متمصرين ولا مصريين مهكسسين" عرقهم الهكسوسى غلب عليهم وكانهم زعلانين ان مصر اتحررت وازاى احمس يطرد الهكسوس من بلده ويحررها ويزعل اخواتهم يعنى؟
