اولياء الامور لوزير التعليم: أنقذ مستقبل أولادنا واعتبرها دفعة استثنائية.. الدور الثانى للتحسين
الخميس 15/يوليو/2021 - 11:18 م
طلب عدد من أولياء الأمور بمواقع التواصل الاجتماعي "واتساب" بجروب "حلقة وصل الوزارة ووالى الأمر"، من الدكتور طارق شوقى وزير التربية والتعليم والتعليم الفنى، مطالبين دور ثانى للتحسين بسبب كثرة الاسئلة وضيق وقت الامتحان بالثانوية العامة .
واليكم نص الرسائل:
وجهت سامية محمد رسالة للدكتور طارق شوقى قائلة: السلام عليكم ورحمة الله وبركاته السيد الوزير الموقر نرجوا من سيادتكم دراسة هذا المقترح وهو جعل الدور الثانى للتحسين تخفيفا على ابناءك الطلبة واعتبار هذه الدفعة استثنائية حيث ان سيادتكم وعدتهم بامتحانات متعددة خلال سنتين ووعدتهم بالتحسين وهذا لم يحدث لظروف رفض مجلس الشيوخ او لسوء حظ هذه الدفعة التى كان عندها امل فى التغيير والحمد لله سيادتك وصلت لهدفك وهو نهاية عهد الحفظ وبداية استعمال العقل والتفكير ولكن كان ينقصنا مزيد من التدريب ومزيد من التجارب لاننا بدأنا التغيير متأخرا ولم تساعدنا الظروف على اتقانه..
ارجوا من سيادتكم النظر بعين الرافه لابناءك وخاصة طلبة علم رياضة فهم يحتاجون زيادة فى وقت الامتحان وسوف تجد مايسرك فهم قادرون على التفكير ولكن الوقت قصير اعطهم الفرصة من فضلك صعب جدا ان الطالب يقول انا اقدر احل وعارف الاجابة بس مافيش وقت وحضرتك تعلم جيدا ان لكل طالب قدراته ومهما كانت قدراته الذهنية لن يستطيع حل مسالة بخطواتها فى غضون اربع دقائق
اسفة على التطويل واخيرا ارجوا ان تدرس مقترح # جعل الدور التانى للتحسين ##
كل الشكر لسيادتكم 🙏🏻🙏🏻
وتابعت: ياريت بس معتقدش هيوافق و ياريت الوزارات تتكاتف مع بعض في بكره مفيش امتحانات ياريت من يوم السبت يفصلوا النت وقت الامتحانات في دول بتعمل كده و مشفناش حد فيهم بيقول مستحيل و تلغوا اي مصدر ممكن يوصل الغش للطلاب دي مصلحة ولادنا اللي تعبوا و غيرهم هيجيله الحل علي الجاهز
واضاف شريف عبد العزيز مدرس ثانوى، معالي الوزير مش معانا في الجروب علي حد علمي.
فهل هناك من ينوب عنه؟!
وإن كان فهل سيتم النظر في مقتراحاتنا؟!
امتي و اذاي و فين؟!
وقدم شريف عبد العزيز نصيحة لاولياء الامور، اهتموا بأولادكم و كملوا المشوار معاهم، الاولاد حالتها النفسية ذي الزفت عرفوهم أنها مش غلطتهم ،و اطلبوا منهم السماح علي موافقتكم من الاول علي جعلهم حقل تجارب باءت بالفشل لمدة ٣ سنين واجهوا الحقيقة و كونوا شجعان.
و صححوا غلطتكم بالوقوف في ظهر اولادكم..
امالكم و ثمرة تعبكم و أغلي ما تملكون..
بقالنا سنة بنتكلم ولا حياة لمن تنادي..
و كأننا اصوات تسبح في فراغ دامس لا تلقي من يستجيب لها
واضافت ايضا بوسى زكريا قائلة: انا ام لطالب في تالته ثانوي علمي رياضه
ممكن بعد اذنكوا توصلوا طلبي للوزير
السنين اللي فاتت كان عدد اسئلة فروع الماث 18 سؤال في ساعتين
الاولاد السنة دي 25 سؤال في ساعتين
و طبعا مع اختلاف نوعية الاسئلة كانت اسئله اتعودوا علي اجابتها و خطواتها
بس دلوقتي الاسئله بتحتاج وقت اطول للتفكير
فلو امكن نخلي الوقت المسموح لفروع الماث 3 ساعات
ارجو أن يصل هذا الكلام لسيادة الوزير
و شكرا
وأوضحت سامية محمد: بنتى كل شوية تتكلم عن امتحان الماث بتقولى صعبان عليه تعبى كنت عايزة فرصة اطبق اللى فهماه بس كنت مربوكه لان الوقت قليل وعايزة احل بسرعة ومش عارفه اركز خايفه من الوقت وصوت عياط البنات موترنى كل شوية اقولها سيبك من اللى فات كلكم كدة بس هما جواهم غضب ليه يتجرب فيهم
