بالفيديو| رد تامر حسنى على حلا شيحة.. منطق غريب فعلاً يا حلا
الخميس 15/يوليو/2021 - 09:24 م
تصدرت حلال شيحة، محركات البحث على مواقع التواصل الاجتماعى "بتويتر" مع صدمتها بعد بوست طويل تتبرأ فيه من مشاركتها في فيلم مش أنا" للنجم تامر حسنى، ومن مشاهدها فى أغنية "بحبك"، والتى جاءت ضمن أحداث الفيلم، وهى عبارة عن مشاهد رومانسية تجمعها ببطل الفيلم تامر حسنى.
وصرحت حلا شيحة، باراء تحمل الكثير من التذبذب، حيث تغيرت وتبدلت كثيرا منذ زواجها من الداعية معز مسعود منذ 5 أشهر، وحملت كثير من التناقضات التى ربطها كثيرا بحالتها النفسية المرتبطة بوجود رجال فى حياتها.
رد تامر حسنى، على تصريحات الفنانة حلا شيحة ضده والتي كتبتها على حسابها بموقع "انستجرام"، والتي انتقدت نجم الجيل وتبرأت من كليب "بحبك" من فيلمه الجديد "مش أنا"، ومن المشاهد الرومانسية التي جمعتها به واتهامها له بأن أخلف وعده معها وعرض الكليب.
وكتب تامر حسنى على حساباته بالسوشيال ميديا: "للتوضيح بما إنك يا حلا كتبتي بوست وأشركتي الجمهور الكريم معانا بدال ما كنتي تكلميني شخصياً ونتناقش بيني وبينك، فأنا مضطر أرد هنا برضو، أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد وأخلف".
وأضاف حسنى:"الحقيقه اني إحترمت كلامي معاكي ووعدتك أشيل مشاهد تانيه طلبتيها وشيلتها بالفعل وشكرتيني عليها ولو حابه تفتكري المشاهد اللي اتشالت بعد اذنك روحي شوفيها في المونتاچ عند عمرو عاكف أو كلميه يبعتهالك كلها موجوده، وبعدين الفيلم بقاله 3 أسابيع في السينمات، والكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي ؟؟؟؟ منطق غريب فعلاً يا حلا".
وتابع تامر حسنى: "وبعدين هو مش أنتي اللي مضيتي عقد وتقاضيتي عليه مبلغ كبير عشان الدور دا بعينه!!!!! هو مش إنتي اللي صورتيه و مثلتيه بنفسك وبمنتهى الرضا ولاّ حد أجبرك؟!!!!!! وللتوضيح للجمهور الكريم أنا والمخرجة سارة وفيق بعتنالك وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها، ماكنتيش بتردي علينا وتليفوناتك كلها كانت بتقفل في وشنا، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا ولو كان ليكي أي طلب تاني كنت هعمله بكل حب إنما إنتي فجأه أختفيتي ومكملتيش تركيب صوتك في الفيلم ولا جيتي تتصوري عشان آفيش الفيلم أصلًا ومخليتيناش نعرف نعمل آفيش مجمع !!!".
واستكمل تامر حسنى: "بقيتي تقفلي تليفوناتك وتكنسلي علينا كلنا و بعدين أي فيلم بيبقى ليه خطه مسبقه في الدعايه وانتي عارفاها كويس ووافقتي عليها ودا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني وبقول الكلام الرومانسي دا لماجد الكدواني مثلاً هو دا يُعقل؟؟!!!!! أنا زعلان منك جداً يا حلا على مفردات البوست بتاعك الغير موفقه و مستحيل هرد بطريقتك اللي فيها تجريح و اتهامات باطله ليا إحتراماً لحجات كتير يمكن فايتاكي بس مش هتفوتني وعلى فكرة انا واثق انك عارفة اني مستاهلش منك كدا و هكتفي بالتوضيح دا و ربنا يهدي الجميع و يكتبلك كل الخير اللهم آمين".
