اولياء امور مدرسة ستانفورد تستغيث بطارق شوقى ومحافظ القليوبية.. صاحب المدرسة بلطجى.. يعتدى على اولياء الامور.. اكثر من 50 محضرا و800 شكوى للوزارة وتعليم القليوبية

وعلمت " السبورة " انه تم اتخاذ كافة الاجراءات القانونية من قبل مديرية التربية والتعليم بالقليوبية وسيتم تنفيذ قرار معالى الدكتور طارق شوقى خلال ساعات.

وجاءت شكوى بعض اولياء الامور كالتالى:

"انا ولى امر احمد حسام أحمد وصلاح الدين حسام أحمد، بالمدرسة من 3 سنوات وهى كانت كويسه جدا لغيت الترم الاول السنه الفاتت رغم أننا كنا بنسمع ونشوف حالات فرديه لسلبيات.. لكن مع بدايه السنه دى حصل مهازل لاكثر من ولى امر اتعرض للضرب والعنف". 

بداية مشكلتى كانت مع بدايه الترم لما زوجى ذهب لدفع المصاريف فلقد تم طلب التوقيع على إقرار بأن القسط التانى متدفعش قبل يوم 5/12 سوف يكون فى زيادة 10 % ويتم منع الاولاد من دخول امتحان الترم الاول وإقرار آخر بأن فى حاله ترك المدرسه فى اى وقت لا يحق لى استرداد اى مبلغ مالى خاص بى.

فذهبت للمدرسه وطلبت منهم إيصال بالمبلغ الذى تم دفعه 3000 جنيه مقابل تأمين كتاب الجيرنز وده كان اختيارى مش اجبارى على ولى الأمر مفروض بنستلموا أول السنه ونرجعوا آخر السنه تم رفض اعطائى إيصال واخدوا الفلوس، وقالوا لا احنا هنديكم الكتب بالفلوس دى نشتريها يعنى فرفضت لان الكتب كانت قديمه ومقطعه ولان سعر الكتاب اقل بكتير جدا من المبلغ فقولتلهم انا هشتريهم من بره وكنت دافعة 850 جنيها تمن مجموعات طلبت إيصال دفع تم الرفض وقالوا لى مفيش فلوس وروحى اشتكى طلعت موبيلى عشان اصور الكلام ده عشان يبقى دليل اتهجموا عليه وضربونى انا وزوجى زى ما واضح فى الفيديوهات واحتجزوا زوجى بمكتب صاحبة المدرسة تم استدعاء النجدة والذهاب للقسم وعمل محضر بالواقعة راحوا بتوع الأمن خربشوا نفسهم وقالوا اننا ضربنهم وطبعا الشاكى والمشكوى لازم يتحجزوا للعرض على النيابة..

 

المحامى بتاعهم قعد يقدم فى عروض مقابل التنازل وفقت على أن يتم استرداد المبلغ المدفوع بدون إيصال واخد القرارات بتاعتى وانقل اولادى من المدرسة ويسلمونى ملافاتهم وطلب التحويل للترم الثانى وفى حين استكمال السنة يتم خصم المبلغ من مصروفات الترم التانى مع عدم الافصاح عن الاتفاق لأى ولى امر..

 

طبعا كان فى كورونا ومعرفتش انقل فقررنا ننقل السنة المقبلة واهى الدراسة اون لاين.. فوجئت بإحدى موظفين المدرسة بيتصل بيه يكلمنى عن كومنتاتى على الفيس بوك وجروب الأمهات على الواتس اب ويطلب منى انى اكتب كومنتات ايجابية وامدح فى المدرسة فرفضت وعنفتوا والمكالمة موجودة متسجلة، ومن ثم تم غلق الاون لاين على الاولاد وبرجوعى ليهم قالوا فى مشكله فى it وهيتم حلها اكتر من شهرين دون جدوى مرة يردوا وسعره لا لغيت بدايه الترم نزلوا الاولاد أول يوم وتانى يوم نزلت اوصلهم واشوف موضوع الاون لاين عشان الهوم ورك بيتبعت عليه تم منعى من دخول الإدارة بحجة انهم كاتبين مواعيد لاولياء الأمور..

فقولت انا معنديش اون لاين معرفش فجاء لى شخص مفوض من قبل المدرسة واتجمع حواليه بتوع الأمن واتكلم بمنتهى قله الادب وقالى مشهنفتح الاون لاين عشان كومنتاتى على الفيس والواتس مشعجباهم سحبت نفسى من وسطهم لان بنتى الصغيرة كانت على أيدى وانا لوحدى وروحت قدمت شكوى فى الإدارة التعليمية وقام مدير الإدارة بالاتصال بوكيل المدرسة وسؤاله وامره بفتح الاون لاين رجعت البيت حكيت لحسام نزل قابل الوكيل عشان الأسلوب غير المهذب التكلموا معايا بيه ووعدوا بفتح الاون لاين منزلتش اولادى المدرسة تانى وانتظرت تشغيل الاون لاين لم يتم شئ خلص الاسبوع وجه الاسبوع التانى وحسام اتصل بيهم كان ردهم العندك اعملوا..

تانى يوم نزلت بوست على جروب اولياء الامور الخاص بينا عشان نشوف حل لان هناك اكتر من ولى امر عندهم نفس الشكوى قاموا اتصلوا بحسام واستدرجوا للمدرسة بحجة ان صاحب المدرسة موجود وعايز يقابل حضرتك عشان نحل الموضوع وتستلم الكتب ونفتح الاون لاين لما ذهب للمدرسه ودخل المكتب اعتدوا عليه بالضرب والإهانة وتكسير موبيله اتصلت عليه سمعتوا بيستنجد نزلت اجرى للمدرسة لانى ساكنه جنبها وفتحت اللايف استنجد باولياء الأمور لاقيت اخوه منتظرة بالعربية بره فبلغتوا بالحصل..

حاول دخول المدرسة منعوا وقالوا ان زوجى لم يذهب للمدرسة اليوم بدأت أشعر أن فى حاجه غلط انتهزت فرصة انشغلهم بمنعوا من دخول المدرسة ودخلت اجرى بسرعة وازعق لمحاولة لفت انتباه أولياء الأمور والمدرسين عشان يساندونى واعرف الاقى حسام لاقيت الدادة أم أحلام العتديت عليه فى الفيديو دى جت تضرب فيه وتمنعنى من الوصول لمبنى الجريد وقعت وضربونى بالجزم هى ونعمه ودادات تانيه معرفهاش..

فضلت اصرخ وانادى على حسام وقول انا طلبتلكم النجدة لغيت ما فوجئت بيهم بيخرجوا من مبنى الجريد ومتبهدل طلعونا بره المدرسة وقفلوا الباب عرفت منه ان أستاذ محمد راضى جلال صاحب المدرسة قام بالتعدى عليه هو والأمن وانه كان كمين معمول ليه انتظرت أمام باب المدرسة المغلق حتى وصول النجدة وطبعا كانوا خرجوا من الباب التانى والنجدة لم تجد أحد روحنا القسم عملنا محضر وصل المحامى بتاعهم وحاول تقديم العروض عشان نتنازل لكننا رفضنا فقام بتهديدنا بعمل محاضر تشهير وسب وقذف واعتداء على المدرسة وان لينا فيديوهات مصورة ببلطجية وسلاح للتعدى على المدرسة وان أولياء الأمور هيقدموا بلاغات ضدنا لارهاب اطفالهم كل هذا لم يرغمنى على التنازل.. محرر 53 محضرا ضد المدرسة بقسم العبور.. 200 شكوى بالوزاره ببنها و 600 شكوى فى الاداره التعليمية..  

تم صدور قرار معالي الوزير بوضع المدرسة للاشراف المالى والادارى وتم الحكم بالحبس على أصحاب المدرسه وما زالت فى قواضى شغاله ولكن قرار معالي الوزير لم ينفذ من شهر 5 حتى الآن هناك تباطأ من المديرية والادارة التعليمية ودخلنا في شهر يونيو والمدرسة رفضه تحويل الاولاد وبتتطالب بالمصروفات..