"المانيكير والباديكير" اختراع مصرى قديم
الخميس 01/يوليو/2021 - 02:12 م
نشرت صفحة تاريخ مصر القديم، علي موقع التواصل الاجتماعي "فيسبوك"، تقريرا عن المانيكير والباديكير اختراع مصرى قديم تضمن الآتي:
المانيكير والباديكير اختراع مصرى قديم، النضافة الشخصية وصلت للأظافر وتصفيف الشعر، الجدارية اللى فى الصورة من مقبرة الوزير عنخ ماع حور واللى عاش فى عصر الاسرة السادسة، المقبرة موجودة فى سقارة متاحة للزيارة أى حد ممكن يدخلها وعمرها دلوقت اكتر من ٤٣٠٠ سنة.
وبعد ده كله نسمع فى السوشال ميديا ونشوف بوستات وفيديوهات بتتفنن فى انها تقول أصل المصريين القدماء ماكانوش بيهتموا بالنضافة الشخصية، والحق ياجدع وشاهد قبل الحذف "١٠ عادات مقززة عند الفراعنة" وأشياء من هذا القبيل !!
معنديش تفسير لده غير إن بالإضافة اللى الجهل هو إن اللى بينشر مغالطات زى دى ممكن يكون هو نفسه او بيئته عندهم مشكلة نضافة شخصية حديثا او تاريخيا بشكل عام فمبيستحملش مواجهة مشاكله حاليا او تاريخ مشاكله فبيلجأ لإسقاط المشكلة على غيره ووصفه بيها.
وطبعا مفيش أى حاجة بيستهونوا بيها أكتر من تاريخ مصر للأسف.
