تعرف علي تمثال متري الكاتب المصري القديم والذي أبهر زوار المتحف
السبت 26/يونيو/2021 - 01:09 م
نشرن صفحة تاريخ مصر القديم تقريرا عن تمثال متري الكاتب المصري القديم والذي أبهر زوار المتحف
مترى إسم الشخص صاحب التمثال ده كاتب مصرى موظف عتيد عاش على أرض مصر من حوالى 4500-4600 سنة فاتت , مترى من الشخصيات اللى نالت الخلود عن طريق الفن المصى القديم اللى لما بيخلد حد بيديله حقه ويحوله لمعجزة تعبر الزمان عينيه ، بص لعينيه هتلاقيه صاحية وبتخليه يكلمك.
مترى كل ما بروح المتحف المصرى مفيش سائح معايا إلا ويلفت نظره التمثال فبقى روتين وعادة ما بتنقطعش إنى لازم اوقهم عنده , لما كنت بشوف مترى فى سنوات الدراسةكنت بتشد للتمثال ده أوى , لما تقرب منه هتلقى عينيه بتتكلم ولو سرحت بخيالك أوى سهل تتخيله دبت فيه الحياة وبيتكلم هيحكيلك عن عصر بناة الأهرم وتقدم وتفوق وإعجاز عملته حضارة مصر من آلاف السنين دوبنا أكتر فى عشق تراب البلد دى.
من شهور قليلة فاتت روحت عند مترى ومديى للفاترينة ضهرى وبشرح , والسياح اللى معايا بيضحكوا ! وانا مسترسل ومندمج اوى فى الشرح وهما يضحكوا أكتر.
شكيت فى نفسى و فكرت انى نسيت البس بنطلون وانا نازل مثلا ! وأخيرا واحد منهم تعطف عليا وقالى بص وراك , ببص مالقتش مترى فى الفاترينة .
ابص يمين ابص شمل الاقى الموظفين والاثاريين بينقلوا قطع للمتحف الكبير من ضمنهم مترى ولمحته عيينى قبل ما يتقفل عليه صندوق الشحن بلحظة .. قولتله فى سرى سلام يا مترى والى لقاء يا صديقى فى المتحف المصرى الكبير ..
