تعرف ايمحوتب أفضل وزراء مصر القديمية
الخميس 24/يونيو/2021 - 12:35 م
نشرت صفحة تاريخ مصر القديم، علي صفحة التواصل الاجتماعي "فيسبوك"، تقريرا عن ايمحوتب أفضل وزراء مصر القديمية
تمثال صغير ممكن الواحد يعدى عليه بدون ما حتى يلفت نظره ولكن احنا ممكن نقول بضمير مرتاح ان ده واحد من اعظم ابناء البشرية مش مصر بس ، ايمحوتب ، طبيب يخفف من الام الناس ، مهندس ، كبير الكهنة الشوافين اللى بيرصدوا مواقع النجوم والأجرام ، وزير ويد يمنى للملك والقاب لا تعد ولا تحصى .
بتعبر عن مهن والقاب وبراعة علمية فى مجالات شتى ، ايمحوتب ابن مصر مهندس اول هرم فى التاريخ "الهرم المدرج" ومهندس اول مجموعة هندسية مبنية من الحجر فى التاريخ ، الانسان العادى الوحيد اللى اتسمحله لاول ولآخر مرة فى تاريخ مصر العظيم ان اسمه يتكتب على تمثال ملك مصر وقتها "زوسر".
ايمحوتب ممكن نعتبره كشخص واحد وكأنه بعلم د.مجدى يعقوب فى ٧ او ٨ مجالات مع بعض ومش هبالغ لو قولت انه كان يمكن اعلم اهل الارض وقتها ، ايمحوتب ابن واحد من ابناء مصر بتاريخ عمر الارض وحضرها اكتر من ٣ الاف سنة.
