تعرف علي اوزيرس معشوق المصريين القدماء

نشرت صفحة تاريخ مصر القديم، علي موقع التواصل الاجتماعي "فيسبوك"،  تقريرا عن اوزيرس معشوق المصريين القدماء

وإليكم نص التقرير: 

مثال صغير يمكن لو شوفته هتستغرب من حجمه ، تفاصيلة مش بتبان الا لو قربت وكبرت الصورة ، التمثال ده بيحكى حكاية حب شعب عظيم بأكمله ، حب شعب مصر لأوزير- وزير وعائلته اللى بنسميه دلوقت اوزيرس .

اوزيى هو الراجل الطيب اللى اتقتل غدر واتظلم من اقرب الناس اليه وهو اخوه علشان كده حبه واتعاطف معاه المصريين لانه بيعبر عنهم وعن معاناتهم كبشر ،كان هو ملك القلوب والروح اللى سكنت كمت لآلاف السنين ، اوزير علشان اتظلم مابقاش يرضى بالظلم وبقى هو سيد الحساب فى يوم الحساب العظيم ، امنية كل مصرى انه يتحاسب قدام اوزير علشان عارف انه مش هيظلمه بس علشان تتحاسب قدامه لازم تكون برىء وطاهر من الذنوب وتصرخ قدامه وتقول" اينك ماع اينك ماع" انا مبرأ انا مبرأ فيتوزن قلبك على الميزان قدام الريشة ولو قلبك اخف منها هتدخل جنة يارو .

 كانت مقابلة اوزير حلم كل مصرى علشان كده حياة كتير اوى منهم كانت استعداد ليوم الحساب ده يوم ما تلاقى نفسك فى حضرة الحبيب اوزير .

 كل ده حاجة وتصوير التمثال ده حاجة تانية خالص ، منحوتة رقيقة من البرونز بتعكس حب المصرى لسيد القلوب وجه مريح لشخص تحبه اول ما تشوفه وعيون كلها شجن ورقة ورأفة بروح وحال كل متوفى هيقابله .

 تقريبا ده ممكن يكون اقرب تصور لفكرة اجدادنا المصريين القدماء عن اوزير حاولت انقله ليكم زى ما حسيته من اللى درسته عن الحبيب اوزير كامل الجمال او كامل الاوصاف زى ما لقبه اجدادنا