إزاي تحسب الزيادة الخاصة بشهر يوليو 2021 للمعلمين ؟
الأحد 23/مايو/2021 - 05:12 م
نشر المعلم محمد عاطف تدوينة علي جروب المدرس اليوم تناول فيها كيفية حساب الزيادة الخاصة بشهر يوليو 2021 للمعلمين .
وإليكم نص التدوينة:
حضرتك في الأول تعرف نفسك مخاطب بأي قانون يعني المعلم المخاطب بقانون الكادر الزيادة كالآتي :
* نضرب الأساسي الحالي في 13%
وما تقوليش أنا الأساسي بتاعي ثابت ومتجمد والكلام اللي بنسمعه حضرتك لو بصيت في كارت المرتب في المنتصف هتلاقي فيه رقم 10 دي منحة عيد العمال الرقم الكبير اللي تحتها هوا أساسيك الحالي وعشان تحلف آن الأساسي مش متجمد حضرتك عارف العلاوة اللي هتطلع لك دي هنضيفها على الأساسي الحالي
وهتعطينا الأساسي الجديد اللي مش متجمد حضرتك في 1/7/2021
** ثانيا الحافز الإضافي وده حضرتك كل درجة ليها مبلغ
يعني مثلا معلم ده درجة ثالثة هياخد 225 معلم أول ده درجة ثانية هياخد 275 معلم أول أ درجة أولى هياخد 325 وهكذا طيب بالنسبة للمخاطبين بقانون الخدمة المدنية
*هتجيب حضرتك الأجر الوظيفي الحالي
هتقولي حضرتك أنا اللي أعرفه إن الأساسي بتاعي متجمد حضرتك هوا إنا جبت لك سيرة الأساسي دلوقت
أنا بقولك الأجر الوظيفي يضرب في 7% ده حضرتك مبلغ العلاوة الدورية وهيتحط على الأجر الوظيفي الحالي وهيبقى هو إجرك الوظيفي الجديد في 1/7/2021
** وهتاخد حضرتك الحافز الإضافي حسب الدرجة
زي ما شرحناه عند الكلام عن المعلمين وتحت هتلاقي جدول يوضح الزيادة لمجموعة من المعلمين حسبما توفر لنا من بيانات والحمد لله كتبنا لحضرتك درجة المعلم وأساسيه القديم
وأساسيه الحالي
وقيمة العلاوة ال 13% من الأساسي الحالي وقيمة الحافز حسب درجتك ثم كتبنا لك جملة الزيادة قبل الخصم
بالنسبة للمخاطبين بقانون الكادر لم يتوفر لي إلا ما سترونه .
