رسالة عاجلة من طارق شوقى لطلاب الثانوية العامة بشأن امتحان غدا
الإثنين 19/أبريل/2021 - 10:38 ص
وجه الدكتور طارق شوقي، وزير التربية والتعليم والتعليم الفني، رسالة عاجلة الى طلاب الثانوية العامة الذين سوف يؤدون الامتحان التقينى التجريبى غدا الثلاثاء.
واضاف خلال تصريحات تليفزيونية ان الامتحان التجريبى غدا الثلاثاء سوف يتم اغلاق الخوادم الشرايح وهنستخدم بس الفايبر اللي في المدرسة، موجهًا رسالة للطلاب: «اللي معندوش فايبر في مدرسة ومعندوش سيرفر ميروحش يوم التلات والباقي كله يروح لأننا عاوزين نعرف مدى سعة الفايبر كافية ولا لا وده يشرح احنا بنحاول نعمل ايه»
وتابع: «احنا هنختبر الواي فاي بتاع المدرسة نفسها انما فيه أولاد في مدارس خاصة معندهمش الحاجات دي مش محتاجين يروحوا يوم التلات ومحتاجين يروحوا يوم الخميس لأننا هنحتاج نختبر شريحة الوزارة مش أي شريحة تانية هما شارينها ومش هتشتغل إلا في المدرسة»
وأوضح شوقي أن يوم الخميس سيشهد الاختبار التجريبي تجربة للشرائح: «يوم الخميس هنشوف الشرايح فقط يعني هنقفل السيرفر وهنقفل الفيبر»
الجدير بالذكر ان الدكتور طارق شوقى قد اعلن عن الهدف من عقد الامتحانات التجريبية، مؤكدا على تجربة كل الأمور الفنية الخاصة بالشبكات، موضحا «لم تكن تجربة أكاديمية»، لافتًا إلى إعلان ذلك منذ 23 مارس: «كله مشي زي ما خططنا وجت لنا كمية عن المعلومات عن الأمور الفنية سواء عن الخوادم في 2300 مدرسة أو الشبكات الفيبر أو الشرائح اللي مع الأولاد»
