هكذا نجح إبن رمسيس الثانى في إبطال سحر الساحر الحبشى
الخميس 08/أبريل/2021 - 02:41 م
نشرت صفحة تاريخ مصر القديم علي موقع التواصل الاجتماعي، فيسبوك، قصة إبطال سحر الساحر الحبشى وجاءت كالتالي:
اللى فى الصورة ده تمثال لأمير مصرى أشهر من نار على علم وهو الأمير خع إم واست إبن رمسيس الثانى لو هنحكى عنه يبقى ممكن نكتب كتير جدا ولكن يكفى دلوقت نعرف إنه بعد وفاته بمئات السنين وفى العصور اليونانية الرومانية ظهرت قصص اسطورية كتير متعلقة بيه
فاللى هحكيه دلوقت عبارة عن أسطورة شعبية منهم ولكن وراها معانى كتير جدا .
البردديات اللى سجلت مغامرات الأمير خع إم واست الاسطورية أطلقت عليه إسم "ساتنى" وكان له إبن إسمه إبن إسمه "سا أوزير" ..
جه لمصر ساحر حبشى بتحدى عبارة عن رسالة مقفولة تحدى اى حد يقراها وهى مغلقة ولو محدش قرأها من عارفين مصر الساحر هدد إنه هيخطف ملك مصر نفسه.
وهنا "سا أوزير" وعلى الرغم من إنه كان سنه صغير إتحدى الساحر الحبشى وقال لأبوه الأمير "ساتنى" إنه واجه الساحر ده فى حياة أخرى قبل 1500 سنة وإنتصر عليه وحرر مصر من شروره وقتها وهيحررها منه تانى، سا أوزير مش بس قرأ الرسالة ولكنه واجه الساحر فى معركة طويلة أبطل فيها كل شروره لحد ما نجح فى القضاء عليه والمفاجأة إن القصة بتنتهى بإن سا أوزير بيطلع مبعوث عناية إلهية لمصر علشان ينقذها من شر الساحر الحبشى.
