الصايم يدق "ناقوس الخطر": يجب أن يتم تقييم منظومة طارق شوقي التعليمية شهريا.. ويحذر من مفاجأت 2030
الثلاثاء 23/مارس/2021 - 05:32 م
حذر الزميل محمد الصايم نائب رئيس تحرير جريدة الجمهورية في تدوينة له علي صفحتة علي موقع "فيسبوك" قائلا: "مشروع تطوير منظومة التعليم يجب ان يتم تقييمه شهريا وسنويا حتى لا ننتظر مفاجأت التطوير فى ٢٠٣٠".
كان الصايم قد وجه علي صفحته علي موقع فيسبوك تدوينة عدد من الرسائل لوزير التربية والتعليم بشأن نتائج امتحانات التيرم الأول جاءت كالتالي:-
الرسالة الأولى:
رسالة سيد عطيه ولى امر للدكتور طارق شوقي..
انا ابني يامحترم ماسك المحمول ليل ونهار وانا قليل الخبرة في الموبايلات والتكنولوجيا..
وبعطيه دروس من شهر 8 اللي فات وكان معاه اجابة كل ماده من ع تطبيق تليجرام وظهرت النتيجة الان مقفل في كله وانا موش عارف مستواه الحقيقي ايه ؟
التطوير مطلوب لكن موش بالدرجة دي متخليش سيستم ونظام فاشل يتحكم في مصير مستقبل أولادنا، لابد من الرجوع للكتاب المدرسي والورقة والقلم زي ماحضرتك اتعلمت وعلماء مصر الاجلاء اتعلموا، التابلت للمذاكرة فقط.
الرسالة الثانية:
طالبة متفوقة وممتازة مش منطقى نتيجتها من المفترض تقديرها إمتياز تجيب فى الكيمياء ١٤ ده مش منطقى سألت المدرسه والاداره محدش فاهم حاجه قالوا لوالدها ممكن يكون السيستم قفل عليها اخد منها اول مجموعة وقفل على الباقى والطالبة منهارة واسرتها حاسه بالعجز.
الرسالة الثالثة:
انا ابنى فى ثانوية عامة فى سنة تالتة، ومش بيذاكر وكل ما اقوله ذاكر يقولى المدرسين بيقولولنا احنا مش عايزينكم تذاكروا.. احنا عايزينكم تفهموا.. ايامنا غير ايامكم يا بابا.. انا معنتش فاهم حاجة هو مش برده الفهم بيجى من المذاكرة.. ولا احنا بقينا موضة قديمة والله مش بيسيب الموبايل من ايده.. وعلى ما اظن كلنا معدش عندنا المقدرة على اننا نخلى اولادنا تذاكر.. خاصة بعد تجربة أولى وثانية ثانوى اللى ابنى فعلا مذاكرش فيهم ومع ذلك درجاته كانت ممتازة يبقى الطالب هيذاكر ويتعب ويجهد نفسه ليه.
