ناشط تعليمى يكشف شروط لحل مشكلة المرتبات والحوافز على اساسى 2014
الثلاثاء 16/مارس/2021 - 11:49 ص
كشف ناشط تعليمى، حل لمشكلة المرتبات والحوافز على اساسى 2014، حيث اكد فى بوست له على صفحته الرسمية بموقع التواصل الاجتماعى فيسبوك، بان هذه المشكلة تتلخص في اصدار تشريع جديد أو تعديل المادة الموجودة بالقانون 81 2016.
وقال خلال بوست له "طبعا حق للمعلمين وأنا منهم المرتب يكون على اساسى 2020 ولكن على جميع السادة المعلمين الذين يظنون أن حل مشكلة حساب المرتبات و الحوافز على أساسي ٢٠١٤ سهل أن يعلموا جيدًا مايلي"
وواصل "مشكلة أساسي ٢٠١٤ مشكلة عامة لجميع موظفي الجهاز الإداري للدولة حسب قانون الخدمة المدنية رقم ٨١ لسنة ٢٠١٦ و ليست خاصة بالمعلمين فقط للأسف الشديد حل الموضوع يتلخص في اصدار تشريع جديد أو تعديل المادة الموجودة بالقانون ٨١ السابق ذكره ومع ان الخمس سنوات الخاصة بتثبيت الاساسى انقضت مما يمثل عوار واضح ف القانون يستطيع اى محامى وببساطة الحصول على حكم بأحقية الموظف ف حساب مرتبه على الاساسى الجديد لأن شغل التلات ورقات وانى اديك مرتب باساسى 2014 واخصم منك بأساسى 2020 ده طبعا مينفعش قانونا رغم انه مطبق فعلا".
وتابع "بس ده بيحتاج قرار مجلس وزراء وقرار سيادى ...تخيل لما بدل ما أساسيك 500 جنيه مثلا ف 2014 تتحاسب ع الاساسى الجديد فوق 1000 جنيه ف 2021 طبعا ده هيحتاج مليارات وعلشان كده بكون شبه متأكد ان ولا حكم من الاحكام الخاصة بالاساسى اللى حصلت عليها الناس هتتنفذ ...دا كمان فيه منشور قضائى ان الهيئات الحكومية لا تختصم عن طريق القضاء فى مشاكلها فيما بينها وهتخصص هيئة لذلك علشان اصلا محدش يقول ان ده حكم قضاء ولازم يتنفذ".
