بسبب الصيانة.. طالبات جامعة الأزهر مهددات بشطب أسمائهم من المدينة الجامعية
الإثنين 01/مارس/2021 - 11:12 م
تداولت عدد من طالبات المدينة الجامعية بجامعة الأزهر تدوينة بشأن التهديد بشطب أسمائهم من المدينة الجامعية:
وتضمنت التدوينة الأتي:
كلاكيت المرة المليون:::
رجوع الطلبة المدينة يوم كذا .. طيب والناس اللى امتحانها ٧/٣ لا دول معاهم لحد يوم امتحانهم ..
اكيد يا جماعة اساله المشرفة رقم ١٠٠٠٠٠٠
المشرفة ١٠٠٠٠٠٠ متقلقوش خالص متاح ترجعوا قبل يوم امتحانكم على طول لأن قبل كده يعتبر من إجازة نص السنة بتاعتكم
بعد يومين تلاتة وبعد ما حجزنا التذاكر "كناس من الصعيد بيحجزوا تذاكر قبلها باسبوع عشر ايام" من خمس دقائق المشرفات: بكرة تكونوا عندى يا نشطب اسمائكم ومسكن أماكن بنات تانيين من المبانى اللى بيتعمل لها صيانة...!!!
صدمة؟!!
ده ايه ؟؟؟
يرضى مين الكلام ده يعنى ايه من سوهاج ولا الأقصر نبقى هناك بكرة وبتقولوا دلوقتي.
أجهز حاجتى فين واحجز تذاكر امتى واجى ف قد ايه
صيانة ايه اللى افتكرتوها دلوقتي اهمال اى حد مينفعش نشيلوا احنا بتاتاً.
عايزين حد يرد علينا من إدارة المدينة ببيان واضح لو دى اشاعة معنديش مشكلة يقولوا أنها اشاعة والحقيقة كذا بالرغم من أن ده حصل مع بنت النهاردة.
ولو حقيقة فلازم ولو لمرة متلجأوش للحل السهل شوفوا لحل اللى يناسب الطلبة اللى كل مشكلتها فى الدنيا أنها لتتعلم وبتتعب علشان تعمل ده
