"ائتلاف تحيا مصر بالتعليم" يطالب بسحب التابلت من طلبة المرحلة الثانوية وتسليمها لطلاب الأول الإعدادي
السبت 27/فبراير/2021 - 04:46 م
قالت منى ابو غالى، مؤسس ائتلاف تحيا مصر بالتعليم، كلنا مش ضد التطوير ولا التكنولوچيا بس تطبق صح أولياء الأمور مش بتعارض لمجرد المعارضه بس هم الشريك الفعلي في العمليه التعليميه مع المعلم .
واضافت أبو غالي في تدوينها علي "الفيسبوك" لما قولنا مع اول تصريح بنظام التابلت بلاش يا جماعه يطبق علي السن دة كلامنا مكنش من فراغ، طالبنا الاول لازم يكون في تدريب للمعلم والطالب في نفس الوقت لازم تغيير مناهج تناسب التطور ومتعة التعلم اللي بتتكلموا فيها، لازم بنيه تحتيه لكل المدارس الخاصه والحكومي بكل الجمهورية كلامنا وطلباتنا منطقيه .
وأوضحت أبو غالي أن الأزمه هي هي للسنه التالته علي التوالي مع الامتحان الالكتروني، مش هفرح لما يطلع اخر اليوم تصريح بأن الاعداد اللي امتحنت كام الف واجتازت وان المشكله اتحلت، لاننا كلنا عارفين ان الازمه قائمه لم تحل والخوف اكتر علي طلبة ثالثه ثانوى .
وتابعت انا بقول يتم سحب التابلت من طلبة اولي وتانيه وتالته ثانوي وتسليمهم لطلبة الصف الاول الاعدادى دوول لسه طالعين من مرحلة ابتدائى تدريبهم واستيعابهم هيكون اكتر بكتير وعلي ما يخلصوا فترة اعدادى يكونوا تم تدريبهم جيدا ويكون المسئوليين قدروا يصلحوا البنيه التحتيه للمدارس ويكون في تدريب صح لمعلمي الصفوف الثانويه علي النظام الجديد
وتعددت الشكاوي بشأن سقوط السيستم في المدارس، حيث شكا معظم طلاب الصف الاول الثانوى العام، من سقوط سيستم امتحانات التيرم الاول فى مادة اللغة العربية والذى يتم امتحانه الآن داخل اللجان فى مدارس الثانوية على مستوى الجمهورية.
