نادية الجندى لابلة فاهيتا: الجبروت بتاعى بيظهر في الأفلام بس
السبت 13/فبراير/2021 - 04:19 م
قالت النجمة ناديه الجندي، ببرنامج لايف من الدوبليكس "أبلة فاهيتا" "الجبروت بتاعى بيظهر في الأفلام بس واسم دلعى "نونة"، وأنا مواليد 24 مارس والعمر بالنسبة ليا مجرد رقم بس في الورق، وعن مقاس جزمتها قالت: مقاس جزمتى 40 ومش بحب أستلف ولا أسلف جزم.
وأضافت: "مفيش حد يقدر يعمل قصة حياتى وده ثقة بالنفس مش غرور، عن أكثر أغنية مهرجانات تحبها قالت، بحب أغنية "بنت الجيران" وحتى كنت بسمعها وأنا في باريس الأجانب بيغنوها.
وتابعت: "أنا بحب شغلى جدا ودايما بحافظ على رشاقتى، وبعمل رياضة ولياقة بدنية عشان بعمل أدوار أكشن، ولازم أصحى بدرى وبحافظ على جسمى ومش بدخن، وحارمة نفسى من الأكل الحلو عشان كده محافظة على جسمى".
وعن أغرب معجب واجهته الجندى قائلة: "كان في واحد مجنون بجد بيقف ليا تحت البيت وبيقول عاوز أشوفها ولما الناس تمنعه بيقلع هدومه في الشارع لغاية لما جابوله البوليس".
وعن اخر اعملها قالت: "عملت مسلسل "سكر زيادة" في رمضان الماضى وعجبنى جدًا لأن الشخصية كوميدى جدًا، وأنا ونبيلة عبيد مفيش بينا تنافس لأن هي لون وأنا لون تانى، والأخبار اللى كانت بتنتشر وقتها مجرد أخبار سخنة من الصحافة وأكتر حلقة عجبتنى في مسلسل "سكر زيادة" كانت اللى فيها أحمد السقا، وأحلى مشهد لما راح مطيرنى في الهوا، لأنى عملته من غير دوبلير بسبب رشاقتى".
واوضحت نادية الجندي، "هناك علاقة صداقة بينى وبين طليقى المنتج محمد مختار؛ لأن فيه بينا عشرة وذكريات جميلة والناس الأصيلة هي اللى بتحافظ على العلاقة دى، وكمان إحنا عملنا أحلى أفلام في صناع السينما المصرية، وهو شريك نجاح وصراعات ورحلة طويلة من الكفاح والنجاح مش مجرد زوج بس"
