وزير التربية والتعليم يعيد نشر منشور سكرتير بالوزارة :" كل يوم بنكبر و اسمنا بيكبر"

قام الدكتور طارق شوقي ، وزير التربية والتعليم والتعليم الفني،  بإعادة نشر منشور أحد أفراد سكرتارية مكتب نائب وزير التربية والتعليم لشؤون المعلمين، عبر صفحته الرسمية عبر موقع التواصل الاجتماعي .

و أكد  المنشور أن القيادة السياسية في مصر مهتمة جدا بالتعليم بشكل غير عادي وعلى كل المستويات وفي كل الاتجاهات.

وأضاف المنشور، نصا: «الدولة تلاقيها بتصلح تعليمها الحكومي وبتطوره للأحسن و برضو بتبني تعليم دولي محترم بأيدي مصرية .. مثلا فيه حاجة جامدة جداً اسمها المدارس الرسمية الدولية (IPS)».

وأضاف: «بص يا سيدي .. مدارس (IPS) دي بقا مدارس حكومية دولية بتشتغل تحت إشراف وزارة التربية والتعليم والتعليم الفني مباشرة بالتعاون مع مؤسسة المدارس الدولية .. حكاية مدارسنا بدأت من كام سنة كدا ، بـ (3) فروع بس و النهاردة بقت 13 فرع .. بتشتغل بنظامي (IG) و(IB) بمصروفات معقولة بالمقارنة مع التعليم الدولي ..هتلاقي مدارسنا في الشروق و العبور و أكتوبر و مدينة نصر..هتلاقيها في اسكندرية و المنصورة و طنطا و بورسعيد..هتلاقيها في زايد والتجمع الخامس و فيه محافظات فيها فرعين ولسه ..

مدارسنا حكاية مصرية بأيدي مصرية .. معلمين من خيرة معلمي مصر ..ادارتها من افضل القيادات ..

ولادنا بقوا حكاية و كل يوم بنكبر و اسمنا بيكبر ».