شخصيتان صعب يتوافقوا فى الزواج يشتغلوا مع بعض في مكان واحد

شخصيتان.. صعب يتوافقوا زواجيا..

وصعب كمان يشتغلوا مع بعض في مكان واحد

الشخصية القلوقه مع الشخصية البارده..

#القلوقه

كثيرة الحركة والفعل ونادرا مانجدها في حالة تأمل

عاوزه كل حاجه بتفكر فيها تنفذها فورا...

أي حاجه تحصل قدامها ولو بالصدفة... تسببلها توتر

لومعملتش إللي هى عاوزاه دلوقتي تنفعل..

وما تعرفس تسيطر على نفسها.

عاوزه كل حاجه تمشي زي دماغها رسماها..

ولو المواضيع مشيت في سكة تانية غير دماغها

بتبقى متوترة وبتوتر إللي معاها.

بتتقمص بسرعة البرق وبترجع تصالح بسرعة

#البارده فراس جايه من الفرسه ممكن يشلك وإنت واقف

لإنه بارد في كلامه معاك ..يومه بسنه...

والسنه عنده بقرن... بطيئ جدا في استجاباته وحركاته وكل ردود أفعاله ..

حاطط على قلبة مراوح و١٠ ديب فريزر ٢٠٠٠ حصان

مبيظهرش على وشه أي ملامح للتوتر.. وشه جبس ما بيعرفش يشارك إللي قدامه وجدانيا

أهو آلأتنين دول لو بقوا زوجين هيحصل السيناريو الكارثي

إللي هقولكم عليه...

هى على طول شايفاه سلبي كسول مابينجزش وبروطه

وبتدعى إن ربنا ينفخ فيه شويه نشاط وحركه

هو على طول شايفها راكبها عفرت ومابتتهدش

وبيدعي ربنا ليل نهار إن ربنا يهدها شوية..

الخلافات والاختلافات بين الازواج مش كلها

فلوس و مشتريات ومشاوير ومصاريف عيال

لأ...

العمود الفقري في التناغم أو التنافر بين أي آتنين..

هو سماتهم الشخصيه.... دققوا شويه في الموضوع ده

#مجرد _خاطره

ا.د.فتحي الشرقاوي

أستاذ علم النفس جامعة عين شمس