استغاثة الى وزيرة الصحة.. امى مريضة بفشل كلوى واشتباه فى كورونا.. ونتيجة التحاليل باظت بسبب اهمال المعمل.. فماذا افعل؟
الإثنين 06/يوليو/2020 - 07:30 م
ارسل الهامي محمد من سكان حدائق الاهرام شكوى الى موقع السبورة يستغيث بوزارة الصحة والدكتورة هالة زايد، حيث قال "انا عمرى ما كتبت بوست اشتم فى مكان بيقدم خدمه بس حقيقى الى حصل معايا شئ مستفز جدا من معمل المفروض انه محترم "م.ر"
امى مريضة فشل كلوى واشتباه فى كورونا وحالتها صعبة جدا، والدكتور طلب مزرعة دم علشان فيه بكتيريا عاوزين يحددوها وللاسف المزرعه ده بتاخد وقت فعملتها من يوم ٢٩ /٦ يعنى تقرييا من اسبوع.
وانهارده روحت زى السازج اسال عليها اتفاجئ ان الفرع بيقولى العينه باظت(لعدم وجود مزارع ) وهنسحب عينه تانيه بكره طب يافندم حضرتك ما قلتليش ما بلغتنيش.. ده انا الى جاى اسال يقولى اه عادى بتحصل بكل برود.. وكأن عشره ايام فى حياه المريض ولا تسوى عندهم شي.. وهيضطرنى انى استنى تانى عشر ايام فى معمل تانى وللاسف ارقام الشكاوى مجرد واتس اب حقير محدش بيهتم بيه..
للاسف لا انصح بالتعامل معاهم تماما.. وكل مريض يتابع عيناته بنفسه وياخد باله منها للامانه هو مش فرع الهضبه.. هو فرع شبرا مسره بس انا سالت فى فرع الهضبه.. وللاسف معاملهم المركزيه واحده غالبا شفا الله مرضانا ومرضاكم.
