طالب ثانوية عامة : "قولو للمدرسين اتقوا الله فينا السنة هاتتكلف 20 ألف جنيه دروس خصوصية".. #بعض_المدرسين_استغلاليين
الإثنين 06/يوليو/2020 - 02:12 ص
نشر الطالب أحمد عيد السيد طالب بالصف الثاني الثانوية تدوينه علي جروب الثانوية العامة دفعة 2020 عي موقع التواصل الاجتماعي "فيسبوك" ، أكد أن السنة الدراسية هاتتكلف 20 ألف جنيه دروس خصوصية.
وقال أحمد "يا جماعه حد يقول للمدرسين حرام اتقوا الله فينا احنا الدفعه اللى داخله ٣ث المدرسين طالبين منا مبالغ متخلفه حرفيا يعنى السنه بدل ما كانت بتاخدلها ٩او ١٠ الاف السنادى هتدخلها فى ١٥ او ٢٠ الف".
وأضاف أحمد "احنا المدرسين طالبين منا المجموعه ٦ افراد والفرد ٥٠٠ جنيه وفى مواد المستر طالب ٦ افراد والفرد ٣٣٥ جنيه وفى ناس طالبه مجموعه ١٠ افراد ٣٧٥٠ جنيه للكل فى الشهر ليه الاستغلال حرام ..امال لو مكناش نظام جديد لا عارفين الدنيا هتمشى ازاى ولا حتى عارفين هننجح ولا لا اتقوا الله وكفايه استغلال .
وتابع أحمد "ياجماعه انا بدفع ١٤٥ جنيه للواى فاى فى
الشهر يعنى السنه ع اليوتيوب اللى فيه مدرسين حرفيا عمالقه مش هتكلفنى٣٠٠٠
جنيه بالكتير بس المدرس بينفع فى امور برصو بس ميبقاش بالشكل دا اتقوا
الله فينا وفى اهالينا هو مرتب الاب كام ولا الام كام عشان اخد منه كل شهر فوق ال ٣٠٠٠ الاف جنيه اقفو جمبينا شويه يا مدرسين حرام عليكو ميبقاش انتو من ناحيه والنظام من ناحيه وطبعا فى مدرسين تعرف ربنا".
