كاملة ابو ذكرى تفتح النار على الفنان يوسف الشريف
السبت 04/يوليو/2020 - 07:56 م
فتحت المخرجة كاملة ابو ذكرى النار على الفنان يوسف شريف، بعد تصريحاته بعدم لمس النساء اثناء تصوير اعماله الفنية، او الظهور فى مواضع ساخنة مع الفنانات فى اعماله.
واضافت ابوذكرى فى تصريحات لها عبر صفحتها الرسمية بموقع التواصل الاجتماعى فيسبوك ""لما يبقي في مشهد لحبيب بيحاول ينقذ حبيبته، والمخرج يقوله هتمسكها وتشدها علشان تبعدها عن طلقة الرصاص، يقوم النجم الفاضل يرفض إنه يمسكها، علشان هو ما بيلمسش الستات.. هي دي بقي المشاهد الساخنة اللي حضرتك بتتكلم عنها؟؟".
وتابعت ""ولما النجم يدعو الناس للصلاة وترك مشاهدة مسلسله أثناء موسم عرضه.. ده اسمه دين جديد ولا إيه؟؟ بالنسبه ليا ده اسمه نوع من أنواع الدعاية المبتذلة واستغلال أطهر شيء في الوجود لأغراض النجومية وزيادة عدد المشاهدات.. عايز ترضي ربنا في شغلك اختار مواضيع تنور عقل المشاهد أو تشرح قلبه".
واختتمت "تبقى عايز ترضي ضميرك وتقول في شغلك كلمة حق يمكن تبقي سبب إن ناسك يعيشوا أحسن.. والمجاهرة بالصلاة واستغلالها ده محرم في دينك".
