بالمنطق كدة ... اصلاح الجامعات مش عافية ..!!

بالمنطق كدة ... هي مش عافية ..!!

لما تكون ميزانية البحث العلمى ملاليم وتطلب دخول الجامعات فى التصنيفات العالمية .. هى مش عافية..!!

لما تطلب تفرغ عضو هيئة التدريس لكليته وانت لا تحقق له الحد الأدنى من الرواتب والرعاية الصحية والاجتماعة التى تكفى حياة كريمة له ولأسرته .. هى مش عافية ..!!

لما تدفع ملايين فى مشروعات تطوير ونفس القائمين على التخطيط الاستراتيجي هما هما وعايز نتيجة مختلفة .. هى مش عافية ..!!

لما تطلب أداء مختلف فى ادارة المؤسسات التعليمية ومفيش معايير قابلة للقياس بشفافية فى اختيار القيادات الجامعية ولا مرتبطة بالمهام الفعلية وبصفات القيادة وسمات الشخصية... هى مش عافية ..!!

لما تطلب مناهج حديثة ومرتبطة بسوق العمل ومفيش نظام لتطوير قدرات أعضاء هيئة التدريس التخصصية ومفيش اى متابعة لتطوير اداء من حصل على اعلى درجة اكاديمية .. هى مش عافية ..!!

لما تبعت بعثات علمية وتصرف الملايين عليها وفاكر انهم يقدروا يطبقوا اللى درسوة خارج مصر وامكانيات المؤسسات التعليمبة ضعيفة وطلاب الثانوية العامة بهذا الشكل وبتلك الخلفية العلمية ، وهناك الشللية مسيطرة على صناعة القرار بالاقسام العلمية .. هى مش عافية..!!

لما تستورد قوانين ونظم خارجية لتطبيقها وتتوقع تقدم ونتيجة فى ظل انتشار الفساد والاحتكار ، ولم تراعى العوامل الاجتماعية والبيئية والعادات والتقاليد المصرية .. هى مش عافية ..!!

لما تطلب محاسبة من تأخر فى الترقية للدرجة الاعلى وانت تشترط عدد ابحاث بالكيلو .. هى مش عافية..!!

عندما تتعمد تنشأة المعيدين والمدرسين المساعدين على الخوف والقهر من كل من له سلطة علية ووقف بحثة او تحويله لإدارى او خصم مكافئاته وبدلاته فلا تنتظر استاذ المستقبل ذو الرأى العلمى الخالى من الشخصنه والإنحياز .. هى مش عافية ..!!

عندما تتعمد نشر ثقافة جودة ورقية كلامية تهتم بالمظهر ولا تهتم بالجوهر فلا تتعجب عندما تجد اساتذة الجامعات يناقشون مسلسل ولا يناقشون امورهم ومشاكلهم .. لانها مش عافية ..!!