السيسي: هناك دول تقاد من قيادات الإخوان

أكد الرئيس عبدالفتاح السيسي، اليوم إنه «كان ضروري أقطع زيارتي وحضوري لمؤتمر الاتحاد الأفريقي، وخلوني أبدأ كلامي بالتعازي مش بس لأسر الشهادء التعازي لينا كلنا، وبصراحة إحنا محتاجين نتوقف عند مجموعة نقاط مهمة انا عاوز أؤكد عليها».

وأشار الرئيس ، في كلمته، التي ألقاها عقب اجتماعه بأعضاء المجلس الأعلى للقوات المسلحة لمتابعة تداعيات الهجمات الإرهابية الغادرة، التي استهدفت قوات الجيش والشرطة في شمال سيناء، الخميس الماضي، أن «المصريين في 30 يونيو و3 يوليو خدوا قرار كبير وقلتوا لأ إحنا مش هنكمل وعشان كده أنا جيت يوم 12 يوليو وقلت انا عايز تفويض لأني كنت متأكد غن هو ده المسار اللي هنتحرك فيه».

وأضاف أنه «يوم 21 يونيو ومن فضلك افتكروا التوقيت ده كويس أحد أكبر القيادات في هذا التنظيم إن ماكنتش هي المسؤولة عن قيادة التنظيم طلب لقائي مع قيادة أخرى، وبقول للكلام للمصريين وهذا القيادة كان بيقول لي هتلاقي من كل ربوع الدنيا ناس جاية تقاتلكم ن العراق وأفغانستان لسوريا وفلسطين من كل الدنيا الناس هتيجي تقاتلكم، وكنت عارف إن ده اللي هيحصل وأنتم عارفين إن ده اللي هيحصل».

وأوضح الرئيس : «فيه دول تقاد من قيادات هذا التنظيم، وتفتكروا الدول دي هتعمل إيه؟ هتسيبنا في حالنا، معتبرًا أن «المواجهة صعبة وشريرة واللي بيدفع تمن ده كل المصريين لأن ولاد الجيش والشرطة ولاد مصر لكن هما مستعدين يدفعوا الثمن عشان المنطقة دي بالكامل كانت هتتحول لنار».