سامي عبد الراضي: 24 مليون تلميذ ومدرس واداري وعامل في رقبتك يا وزير التعليم.. احذر كورونا
الإثنين 09/مارس/2020 - 04:03 م
قال سامى عبدالراضى، مدير تحرير جريدة الوطن، عندنا حوالي ٢٢ مليون تلميذ في المدارس، وعندنا حوالي ٢ مليون مدرس، وحوالي مليون او مليون نص اداري وعامل او اكتر، دي ارقام تقريبية، مضيفا ان دول بيمثلوا حوالي ٢٥% من عدد المصريين، واتخذوا قرارا بتعليق الدراسة، حيث اصبح تعليق الدراسة فى مصر واجب وضروري وحفاظ على الامن القومي.
وأضاف عبر صفحته الشخصية على موقع التواصل الاجتماعى "فيسبوك" ان تكون هناك امتحانات للشهادات فقط، يعني امتحانات الابتدائي ..والإعدادي والثانوي، مؤكدا ان باقي التلاميذ في النقل يكون معاهم حلين ..الأول ينجحوا في الدور التاني بنفس درجات الدور الأول، وده فيه عدل شوية، اما المقترح الثاني كله ينجح بمتوسط درجات.
وواصل عبر صحفته الرسمية على فيسبوك "لو حصل إصابة في مدرسة ..في فصل فيه ٧٠ واحد هنلبس في حيطة ..سيبك من المدارس الخاصة ..وسيبك من مدارس المناطق الراقية ..رًوح الريف والصعيد وروح بولاق وامبابة والشرابية والوايلي وحلوان وغيرهم من المناطق التى تعانى من الكثافة الطلابية".
و تابع "سيادتك معالي الوزير ..اعمل حصر يومي من خلال مخاطبات مديريات التعليم لمعرفة عدد الغياب والحضور..وهتعرف ان فيه اسر فعلا منعت اولادها.. وده مش عيب.. وعملية الحصر سهلة وبسيطة.. كل مدرسة تحسب.. كل مديرية تحسب.. كل محافظة تحسب.. ربنا يستر وينجي من هذا الفيروس.. علق الدراسة يا معالي الوزير.. الصحة اهم.. ومصر اهم".
