بالارقام .."حماد" هذه هي خصومات مرتبات يناير وهذه هي الفئات المخصوم منها ؟

ما سبب نقص في مرتب يناير 2015 ، واسباب الخصم ، وهل الخصم هذا العام يختلف عن الاعوام السابقة اسئلة كثيرة اثارت حيرة المعلمين والاداريين العاملين بوزارة التربية والتعليم

اجاب عليها سعيد حماد الموجه المالي والاداري بادارة غرب الفيوم التعليمية ، اولا فعلا يوجد خصم في هذا العام ويختلف عن باقي الاعوام ولكن ارجو من التثبت اولا، لان هذا الخصم غير وارد على الكل لماذا

اولا الخصم خاص بزيادة مقدار الحد الاقصى لنسبة المعاش بالنسبة للاجور المتغيرة

نوضح اكتر العام السابق الحد الاقصى كان 1590 جنية شهريا ً

هذا العام الحد الاقصى وصل الـ 1830 جنية شهريا

وهذا هو الشرح بالتفصيل

اولا مفردات المرتب ..مفردات المرتب عبارة عن جانب استحقاقات وجانب استقطاعات

اولا جانب الاستحقاقات :- وهو يشمل على الاتي ( الاساسي + 15% حصة الحكومة في المعاش +1% اصابة عمل +2 % حصة الحكومة في المكافأة +1.5% تأمين صحي + العلاوات الغير مضمومة مثلا بداية من ( 2010 حتى 2014 ) + قيمة حافز 25% +جميع البدلات ( بدل معلم و بدل اعتماد و وعلاوة اعباء + حد ادنى + جهود ) +غلاء اضافي +علاوة اجتماعية +15% حصة الحكومة من المتغيرات +1% اصابة عمل من المتغيرات +10 جنية

فيكون اجمالي كل هذا هو جملة الاستحقاقات

الجانب الثاني هو جانب الاستقطاعات :- ويشمل (15% حصة الحكومة في المعاش الثابت +10% اشتراك الموظف في المعاش الثابت +1% اصابة عمل ثابت +15% حصة الحكومة في المعاش المتغير +10% اشتراك الموظف في المعاش المتغير +1% اصابة عمل متغير +8% حصة الموظف في المكافأة +2% حصة الحكومة في المكافأة (نهاية الخدمة ) +2% تأمين ثابت + اشتراكات النقابات او النوادي +الدمغة +الضريبة ( ضريبة كسب العمل )

فيكون مجموع هذا الجانب هو جملة الاستقطاعات

فيخصم جملة الاستقطاعات من جملة الاستحقاقات ليظهر الصافي الذي يتقضاه الموظف من الصراف او من السكرتير

واحد هيسألنى احنا كده عرفنا مشتملات مفردات المرتب بس لسه ما عرفناش فين الخصم وسببه ،هاقولك طبعا انا تحدثت في بداية المنشور على الخصم بسبب ارتفاع الحد الاقصى لمبلغ الخاص بالمعاش عن الاجور المتغيرة ، علشان نفهم صح لابد من توضيح اكثر ، الاجور المتغيرة هى ( العلاوات الغير مضمومة + جميع الحوافز والبدلات)

تستقطع من جملة الاجور المتغيرة نسبة 10%منها لحساب الهيئة القومية للتأمين والمعاشات وبحد اقصى لهذا العام 183 جنية اما العام السابق كانت 159 جنية

بمعنى ان لو وصل اجمالى مبلغ المتغير الخاص بك في الشهر الى 1830 جنية فيكون مبلغ الخصم هو 183 جنية في الشهر اما اذا زاد عن هذا المبلغ فيكون نفس قيمة الخصم ويرد الباقي على الاستحقاقات بحيث لا يزيد الخصم عن 183 جنية

واحد هيقول لسه مش فاهمين

هقولك يبقى لسه هنوضح اكتر بمثال عملى موظف كان جملة المتغيرات للعام الماضي 2014 كانت مثلا 2000 جنية يبقى الـ 10% 200 مبلغ الخصم 153 جنية حد اقصى في الخصم ولا تخصم نسبة الـ10% كاملة

وفي العام الجديد 2015 كان نفس اجمالى المتغيرات هو نفس المبلغ 2000 جنية ونفس النسبة الـ 10% 200 جنية مبلغ الحد الاقصى للخصم هو 183 جنية لهذا العام

اى انه خصم منه 24 جنية زيادة عن العام الماضي

كده فهمنا انه اتخصم منه ولا لأ

توضيح اخير كل من هو اقل من مبلغ 1830 لجملة المتغيرات فيكون مبلغ الخصم هو نفس المبلغ المحسوب على نسبة 10% بدون رد اي مبالغ للصافي وكل ما يزيد اجمالى الاجور المتغيرة عن مبلغ 1590 جنية سوف يخصم منه على حسب نسبة الـ 10% ويتم حسابها بمبلغ الخصم للعام الماضي مثلا كان اجمالى الاجور المتغيرة 1650 فكان يخصم منة مبلغ 159 شهريا اما هذا العام سوف يخصم منه 165 جنية لانه الحد الاقصى تم رفعه الى مبلغ 183 شهريا لهذا يجب حساب حصة الموظف من المعاش المتغير على النسبة الـ10% يبقى هيخصم منه هذا العام عن العام السابق 6 جنية

حاجه اخيرة علشان نفهم مفردات المرتب جيدا

انت مش ملاحظ ان في نسب مذكورة في كلا الجانبين

اه فعلا يعني ايه

هاقولك

في نسب بتدفعها الحكومة لنا وتعتبر استحقاقات مثل (15 % حصة الحكومة في المعاش + 1% اصابة العمل +2% حصة الحكومة في المكافأة +15% حصة الحكومة في المعاش للاجور المتغيرة )

كل هذا يضاف في جانب الاستحقاقات لان الحكومة هي اللى بتدفعه

وهذه النسب يتم خصمها مرة اخرى لصالح التأمين والمعاشات ويضاف عليها حصة الموظف وهى حصة الموظف من المعاش الثابت وهى نسبة 10%ونسبة 10% اشتراك الموظف في المعاش المتغير + 8 % حصة الموظف في المكافاة )

طبعا واحد هيقولى يعني احنا هيتخصم منا كام بالظبط

صراحة مش هارد عليه

يا جماعة اللى جملة المتغيرات التي يتقضاها اكثر من 1830 جنية هو اللى هيتخصم منه مبلغ 24جنية اما الاقل من ذلك مش هيتخصم منه شيئ