من أوقف ماكينات المدارس الصناعية؟!!

بوست الفتاة الشابة النشيطة تضمن: "كان نفسي يا ولاد اعملكم اكبر اكاديمية للتعليم الفني في الشرق الأوسط وتتعلموا صنعة بجد.. قلبي كان هيقف من الحسرة لما دخلت عليكم لقيتكم متعرفوش تصنعوا كم قميص ولا تقفلوا رجل بنطلون !!! والمكن بالملايين مركون عهدة محدش بيلمسه ولا بيتدرب عليه خايفين لايبوظ مع انه جاي منحة من الاتحاد الاوروبي يعني مش من الحكومة!!، كان نفسي تطلعوا اصحاب مشاريع تنفعوا بلدكم ونفسكم .. وتتعلموا تسويق حقيقي مش شوية نظريات تافهة ملهاش علاقة بالسوق..

جيل كامل بيتدمر ومش لاقي شغل وكل هم الأهالي حتة الشهادة الجاهلة ( بدون علم ) وفي الاخر الشباب بتشتغل على توكتوك والبنات بتتجوز في سن 14 سنة ... بلد غرقانة في made in china والاسم بس 100 مليون موظف!!، تخريب عقول خصبة لمصلحة مين معرفش !! متفهمش دي بلد صناعية ولا زراعية ولا سياحية ولا حكايتها ايه بالظبط !! ديووون متلتلة انتوا الي هتدفعوا تمنها وهتقسم ضهركم.. كان نفسي يطلع منكم كوادر تدريبية تكمل المسيرة وتعلم الاجيال ... رحلتي لمدرسة الصنايع بكفر الشيخ كانت طعنة فى قلبي .. لما فتحت كراسة تلميذة في سنة تالتة لقيتها بتدرس بافتة طفل!!  #كان_نفسي"..

والسؤال الذي يطرح نفسه، في مصلحة من يتم وقف ماكينات المدارس الثانوية الصناعية؟، ولمصلحة من أن لا يستفيد منها الطلبة والطالبات لتعليمهم حرف تخدم الدولة ويخدمون أنفسهم في سوق العمل؟، أعلم وأتابع جيدا الدور الذي تقوم به القيادة السياسية في النهوض بالتعليم الفني، ولكن في ظل عدم استغلال المدارس الصناعية فستضيع كل المجهودات التي تبذل، أتمني أن ينظر الدكتور طارق شوقي وزير التربية والتعليم إلي هذه المدارس ويقوم بزيارات وجولات لمتابعتها جيدا..