بطل «فيديو الحضن» بجامعة المنصورة : "دفعت ثمن الحضن غالي أووي"

وتابع: "أنا عارف أن التصرف خارج عن اللياقة ولم يحترم الحرم الجامعي وعارف أن أنا غلطان، بس انا مكنش اقصد أن الموضوع يوصل للدرجة دي.. وبحكم إني في سنة أولى معرفش الوضع ايه داخل الجامعة.. مش عارف ليه الشعب المصري بيحب الفضايح، والناس هايفة انهم يمسكوا في حاجة زي دي ويكبروها كدا.. ليه توصلوا الموضوع أن البنت تتفصل من الجامعة وأنا كمان".

وأكمل: "الموضوع مكانش مترتب له وكانت وليدة اللحظة، علاقاتنا دلوقتي اتقطعت ومش عارف اتكلم معاها ولا مع أهلها، أنا عايز اكلم أهلها علشان اخطبها بس هما رافضين يتكلموا معايا، وهفضل احاول لحد لما اتجوزها".

ولفت إلى أنه من المقرر أن يخضع لتحقيق في مجلس التأديب بالجامعة العاشرة صباح غد الإثنين، مشيرًا إلى أنه يعمل بائعا في أحد المحال بجانب أنه طالب في كلية الحقوق جامعة المنصورة.

وتابع: "والدي متوفي ووالدتي رد فعلها مبتكلمنيش لحد دلوقتي".

وأجل مجلس التأديب بجامعة المنصورة استكمال التحقيق مع بطل واقعة فيديو "الحضن" داخل الحرم الجامعى، لجلسة الإثنين المقبل وذلك بعد خروج الطالب على القيم وقواعد الاحترام والقيم والأعراف الجامعية.

وبدأت الواقعة بتلقي الدكتور شريف خاطر، رئيس كلية حقوق المنصورة، مذكرة من أمن الجامعة تفيد "حضن" الطالب، لطالبة غير مقيدة بالجامعة أمام كلية آداب، مستنكرا سلوك الطالب داخل الحرم الجامعى.