فى صنف من البشر ..لما يتنزق يقلب الطرابيزة

في صنف من البشر..

لما يلاقي نفسه اتزنق.. وخلاص هيتكشف..

يقوم قالب الترابيزه على إللي قدامه...

وبدل ماكان مطالب بتبرير موقفه الغلط..

واعلان مسؤوليته عنه..

يتحول بقدرة قادر..

إلى مطالبه غيره إللي ماغلطوش أساسا بالتبرير

وياريت يوقف عند كده و بس..

لأ.... ده بيعمل فيها إنه صاحب الحق و المظلوم..

وعاوز إللي قدامه يراضيه ويتأسف له...

لو بتتعامل مع حد بالشكل ده...

خليك صلب معاه.. وركز معاه في غلطه..

وماتخلهوش يقلب عليك الترابيزة..

ويجرجرك في الحته إللي هو عاوزها...

واقلب إنت عليه الترابيزة والسفرة والنيش والكراسي و الانتريه وقاعدة التواليت...

#اكسر سمه.. تكشفه وتعريه

مجرد خاطره

·         كاتب المقال

     ا د فتحي الشرقاوي ❤️🎀

       أستاذ علم النفس

      جامعة عين شمس