نعتذر عن نشر هذه الصور التى حرقت قلب امه وقلب كل ام فى مصر ..تعرف على قصة مؤمن " اليتيم "الذى حطم "الجرس" احلامه
لا يزال مسلسل الإهمال بالمدارس ويحصد المزيد من الضحايا ما بين وفاة وإصابة دون تحرك جاد من مسئولي الإدارة المدرسية الذين تعودو علي سياسة كلة تمام يا فندم.
ووجه عدد من أولياء الأمور ندأ للدكتور طارق شوقي بعد تعرض مؤمن كارم أحد تلاميذ مدرسة ليسية الحرية بالزمالك، بالصف الأل الابتدائي لإصابة خطيرة بالرأس بعد سقوط جرس المدرسة علي رأسة مما أدي لحدوث جرح كبير وحدوث ارتجاج في المخ .
وتنشر "السبورة" استغاثة أسرة مؤمن والتي تقدمت والدته ببلاغ للشرطة في ظل غياب تام لإدارة المدرسة
بعتذر عن بشاعة المنظر منقوووووول ....
نداء للأب الدكتور وزير التربية والتعليم Tarek Shawki
مأساة ومصيبه فى مدرسة ليسيه الحريه بالزمالك ....
أولا أنا اسف على الصور اللى توجع القلب غير قلب أمه المحروق وقلب كل أم هتشوف الصور دى وعندها عيل زيه ، بسبب الإهمال والفساد فى مدارس الوزارة مؤمن راسه اتفشقت مؤمن كارم اللى لسه يا قلبى فى اولى ابتدائى وقع عليه جرس المدرسة وهو بيلعب فى الحوش، الجرس النحاس القديم اللى وزنه يجى 100 كيلو ، الجرس اللى محدش عمله صيانه من خمسين سنه وقع راسه فشفشها وعمله ارتجاج فى المخ وشرخ فى الجمجمه وأتنقل القصر العينى يا قلب أمه سايح فى دمه ، الولد مرمى يا قلب أمه ولا حد سأل فيه والمدرسة والبلطجيه اللى فيها محدش قدر حتى يكلمهم، ولأن باباه متوفى الله يرحمه أمه تاهيه بيه ما بين العلاج ومحاضر الشرطة ، ومديرة المدرسة ولا هى هنا ولا هاممها بوليس ولا نيابه ولا حتى الوزير نفسه مع ان دى مش أول حادثه فى المدرسة ده كل يوم مصيبه شكل ، ليسيه الحرية دى المفروض انها تابعه للمعاهد القومية يعنى تتبع وزير التربية والتعليم مباشرة وهو والوزاره لا حس ولا خبر مع إن الكل عارف الخراب اللى فى الليسيه واللى زيها والقوميات كلها ، من فضلكم اقفوا معانا وساعدونا نجيب حق مؤمن واللى زيه ، ساعدونا وشيروا البوست عشان يوصل للصحافة والاعلام وللوزير ، مش طالبين غير محاسبة المهمل والمقصر فى شغله فراش مدرس مشرفه مديره ولا حتى مدير المديرية التعليم القاهرة واى حد قصر فى حماية أطفالنا فى مدارسهم عشان متتكررش الحوادث دى تانى وولادنا يروحوا مدارسهم بأمان ،لما الإهمال ده فى الليسيه اللى مصاريفها عشر تلاف أمال باقى المدارس حالها ايه!!؟؟ ربنا يشفيك ويعافيك يا حبيبى ويحميك انت وكل اللى زيك. .
.شير فى الخير ..شير خلى الوزير يشوف
تعديل : المحضر رقمه 15972نيابة قصر النيل
وتقرير الطبى من القصر العينى والاشعه كسر فى الجمجمه
والصور مش محتاجه تقرير
منقووووووول
