اْرجو دقائق
الإثنين 16/يوليو/2018 - 12:06 م
محتاج دقائق تسمعى فيها كلامى
ولا تتسرعى فى الرد عليه وملامى
حبك جميل طير عقلى
طار وراك وسابنى لحيرتى وخيالى
يا ريت تستنى أبالى أشرح وصالى
وأوضح لك أنك امالى
انا ما باْهواك للتسالى
فى ليل شوقه نار
ولا للظل فى النهار
بهواك للأبد وبإستمرار
بتمناك بطريقى كشجر الدردار
زينه وظل لآخر المشوار
لازم اوصل لقلبك بسرعه واصرار
وأقرب لكى و تلتزم الفرار
وراك ولو تهربى كسمكه
من شبكه صياد
وفى بحور غير بحور البلاد
وأصمم أوصل لك بالحب والوداد
ولا تبعد عن طريقى بالعناد
محتاج دقائق تسمعى فيها كلامى
ولا تتسرعى فى الرد عليه وملامى
نجمه فوق فى السما وأملى أطولك
وشاغله الكل ومنايا أنولك
بأحاول انى اسكن قلبك
وتفلت كعصفوره رغم قربك
أتابعك كطفل يحبو وراء أمه
ولا يتمنى الا صدر أمه يضمه
ومعه مفتاح الدموع يوصف همه
ويفتح به قلوب بيحبها وتهمه
يا نور عينيه وأغلى ما فى الدنيا
أنت كل منايا وهوايا ورجايا
وراك كأنى بانقب بعنايه
على شىء ثمين له حكايه
وتصغر طرقى البدائيه
أمام حيلك الزكيه
والحب نار أشعل ما فيه
ما بيهمنى إلا انت بالدنيا
وتتقلى بثقه وحنيه
وأنت نور عنيه
وكاْنى ظلام ما بتحبى رؤيته
وأنت زهر الشمس هويته
وحبك عمر ما نسيته
وروحى وقلبى وعنيه حبيته
هانم داود
