رضا عبدالعال يهاجم جهاز المنتخب:" كل واحد بيحب لاعب جايبه يلعب"
الإثنين 04/يونيو/2018 - 11:13 م
هاجم الكابتن رضا عبد العال نجم منتخب مصر السابق، الجهاز الفنى للمنخب الوطنى بعد اعلان قائمة الـ23 لاعباً الذين سيشاركون فى كأس العالم 2018 بروسيا، والتى أعلنها الأرجنتيني هيكتور كوبر، المدير الفنى للمنتخب الوطنى، قائلاً: "هو اللى حصل النهاردة ده ميجيبش إحباط.. هو احنا رايحين دورة رمضانية، دا إحنا رايحين كأس العالم أكبر بطولة فى التاريخ وفى العالم".
وأشار خلال مداخلة هاتفية لبرنامج "العاشرة مساء"، على فضائية "دريم"، مع الإعلامى وائل الإبراشى، إلى أن كوبر اختار لاعيبة لا تلعب فى أنديتها وأخرين لا يلعبون حتى فى المباريات الودية، مضيفاً أن محمد عواد أفضل حارس مرمى من الذين تم اختيارهم، مردفاً: "واخد شريف إكرامى يعمل ايه، والشناوى أربع كور وقعوا منه المباراة الماضية".
وتابع عبد العال، :"كل واحد بيحب واحد جابه، وأسامة نبيل جاب 2 من الزمالك عشان بيحبهم وهما شيكابالا وعمر جابر، ومحمود فايز خدله 4 لاعيبة منهم الونش"، متسائلاً :"أين حسين الشحات؟، أفضل لاعب فى الإمارات، وأين عمرو مرعى؟ وأين أحمد على؟، هو مروان محسن لعب قد ايه عشان يتاخد فى منتخب مصر، دا بيجرى زى مساحات العربية بيمسح برة بس مبيخشش الـ 18".
وأردف :"دا هو فرحان إن صلاح مصاب، أصل صلاح كان بيبوظله الخطة، عشان بيهاجم وبيجيب أجوان، هو مش عاوز يهاجم".
