ميدو يقدم اعتذار عن الفيديو المسئ لرباعى استوديو تحليل مباراة مصر والبرتغال
السبت 24/مارس/2018 - 10:55 ص
تداول عدد من النشطاء عبر فيس بوك، فيديو يظهر فيه الرباعي "الإعلامي سيف زاهر وحازم إمام ومجدي عبدالغني" أعضاء اتحاد الكرة وأحمد حسام "ميدو"، يتضمن توجيه مجدي عبدالغني بعض الألفاظ الخارجة للثلاثي على سبيل المداعبة، دون أن يعلموا بأن هذا الحوار مسجل بينهم.
وقدم ميدو اعتذار على صفحتة بموقع التواصل الاجتماعى "تويتر" عن ما تم نشرة بالفيديو
وكتب: "امبارح اتسرب فيديو واحنا قاعدين في الفاصل بنعتذر طبعا لكل الناس على كل لفظ خارج فيه.. وإن شاء الله هنجيب الخائن للأمانة في أسرع وقت ممكن.. أكيد مش ذنب أي حد أنه يسمع الألفاظ دى".
وتعجب ميدو قائلا: "أما عن الشباب اللي عايشة الدور ومصدومين من الألفاظ وكده، وكانوا فاكرين أن إحنا وإحنا بنتكلم مع بعض بنبيع سبح وفوانيس، فبقولهم معلش ما تتخضوش ميدو عمره ما عمل نفسه ملاك، ولا عايز الناس تفتكره ملاك".
وأشار: "كلنا واحنا بيننا وبين بعض بنهزر وبنضحك، وأكيد لو أي حد سجل ليك انت وصحابك في كلام أكتر من كده ممكن يطلع.. مرة تانية باوعدكم هنجيب اللي سرب الفيديو ومش هنسيبه.. صباح الفل عليكم جميعا!!"
