تعرف على ردود أفعال أولياء الامور بعد تصريح وزير التربية والتعليم الاخير

تعرض "السبورة" عدد من أراء أولياء الامور والتى جاءت كالتالى:

قالت احدى أولياء الامور،  عبر جروب "تمرد على المناهج التعليمية"، "رجع المناهج القديمة اللى اتعلمت بيها وطلعتك وزير".

 وفي ذات السياق قالت ولية امر: "متعه ايه بس انت بتحلل غلطك وبتتخيل انه لمصلحةاولادنا وانت متأكد انك بتعمل كل ما هو ضدهم ارجع من اول خالص من ايام تخفيف المنهج كان كذبه وبعد كده لغيت الميد ترم وانت عارف ومتأكد ان محدش طلب انه يتلغي انت بس لقيتنا مبسوطين بنظام ميد ترم منتهي قلت لأ الغيه وانكد عليهم وقربت الامتحانات وخليت اولادنا لعبه في ايد الي بيحط الامتحان يطلعوا عقدهم عليهم وكأنكم حلفين لازم تعكننوا علينا انت نيتك باينه من اولها حسبي الله ونعم الوكيل فيك لانك عيشتنا اسوأ ترم منك لله".

واوضحت ولية امر:"  احنا نسين نقطه مهمه انت نظام التعليم والمناهج مفروض علينا من بره بما أننا دوله ناميه يعنى الوزير ده ماشى على خطه مرسومه ليه".

 وفي النهاية قالت قالت احدى اوليا الامور:" دل على اساس لن الطالب لما ياخد الكتاب كله مره واحده ويحرقه بعد كده دي بقى مش علقه كبرى وهو فين بقى الوقت لللي بنراجع فيه للمعلومه لكتر من مره ده دل احنا بنخلص في لخر للوقت بمعجزه".

وكان الدكتور طارق شوقي، وزير التربية والتعليم والتعليم الفني ، أن التعليم لا يصح ان نربطه بالشهادة فقط ، مشيرًا إلى أن مشكلتنا اننا في مصر تربينا طوال السنوات الماضية على أن التعليم يتوقف عند الحصول على شهادة "وبعد كدة مانفتحش كتاب تاني" ، وهذا التفكير خاطئ " فالمهندس و الدكتور مثلا لابد أن يستمران في التعلم مدى الحياة.

وأضاف "شوفي"،  في تصريحات له على هامش مؤتمر المعلمون أولًا المنعقد بمقر صندوق دعم وتمويل المشروعات التعليمية قائلًا : بهذه المناسبة أحب ان اوضح انني لا أؤيد فكرة تطبيق الميدتيرم المنتهي الذي يطالب به بعض أولياء الامور حاليًا ، لانني ضد فلسفة "اني اقرأ مرة كإنها علقة و بعدين اقطع الورقة لما اخد الدرجة عليها و انساها بعد كدة" .

وقال الدكتور طارق شوقي : لابد أن نحول التعليم من فكرة "العلقة" لفكرة " المتعة".