تعرف علي كيفية ضم مدد الخدمة السابقة لجميع المعلمين والقرارات (معلم مساعد/ أخصائى مساعد)
تنشر "السبورة" لجميع المعلمين ولجميع القرارات أدخل على الرابط دا وسجل أى مدد أشتغلتها قبل فترة المعلم المساعد
http://teacher.moe.gov.eg
تم إتاحة تسجيل مدد الخدمة السابقة على التعاقد لشغل وظيفة (معلم مساعد/ أخصائى مساعد) للسادة المخاطبين بأحكام القانون رقم 155 لسنة 2007 وتعديلاته . و الشاغلين لوظيفة (معلم / إخصائى) ويمكن للمعلمين الذين نتطبق عليهم الشروط التسجيل عن طريق كود المعلم والرقم القومى و كلمة السر...
توضيح عن ضم المدة:
لما تسجلوا مدد العمل السابقه ياريت تفهموا الاتي
١- فتره المعلم المساعد ايا كان مدتها لا تسجل الذي يسجل فقط فترات العمل بالعقد المؤقت والحسن.
٢- لما تسجلوا بتسجلوا كل فتره علي حدى بمعني انا مثلا اشتغلت ٣ شهور بالحصه سنه ٢٠٠٠ واشتغلت ٦ شهور سنه ٢٠٠٢ واشتغلت بالعقد المؤقت سنه ٢٠١١ لما اجي اسجل يبدأ باقدم فتره
ويكتب تاريخ البدايه وتاريخ النهايه تاريخ البدايه هو يوم استلام العمل وتاريخ النهايه هو آخر يوم عمل ....
وادوس حفظ وبعد كده اسجل الفتره اللي بعديها وادوس حفظ وهكذا لغايه ما تسجل كل الفترات .
٤- اي فتره عايز تضمها لازم ترفق صوره العقد معها بدون صورة العقد بتاعتنا لن تضم لك الفتره.
٥- ماذا افعل في سنين الحصه التي ليس معي لها عقد؟ روح هات جواب من الماهيات وحطة كمرفق بدلا من صورة العقد.
٦- هل اسجل سنه الحصه سنه ؟ لا طبعا حضرتك بتكتب المده باليوم تاريخ استلام العمل واخر يوم عمل لو افترضنا انك اشتغلت سنه حصه كامله فهتطلع من ١- ١٠ الي ٣٠- ٥ دول حضرتك ٨ شهور مش سنه ..
٧ - هل ينفع اضم فتره العمل بالمدارس الخاصة ؟ ايوه ينفع بس تجيب من التامينات ما يثبت تلك الفترات وبرضك الفتره اللي تسجلها هي الفتره المثبته بالتامينات فقط.
٨- ماذا يحدث اذا ذوت كام يوم كده ولا كام شهر من عندي ؟؟ لا تعتقد الوزارة عبيطه أو أنها هتعطيك اقدميه وحوافز وبدلات كده عبط المدد هتقترن بالاوراق المرفقة وبعد كده هيطلب من الادارات مراجعه ذلك بكل دقه فمدخلش نفسك في كلام انت في غني عنه انت عايز حقك.
٩- هل ينفع اسجل العقد المميز ؟ اجابه السؤال ده نقطتين النقطه الاولي كان في حاجه اسمها عقد مميز من ٢٠٠٦ الي ٢٠٠٨ وده يختلف عن عقد المعلم المساعد ده حضراتكم ينفع بتسجل ويضم عادي انا لو تقصد بالعقد المميز عقد المعلم المساعد فللاسف ده مينفعش يتسجل فتره المعلم المساعد اول درجات الكادر لا يجوز ضمها ابدا وفقا لقانون ١٥٥.
١٠- اعمل ايه لو سجلت فتره غلط ادخل احذفها واكتب الصح.
