المدرسة كلها ماتت
الأحد 26/نوفمبر/2017 - 11:54 ص
تداول نشطاء "فيس بوك"، عبارات توحى بالحزن الشديد على فقدان زملائهم وطلابهم الذين استشهدوا بمسجد الروضة الإرهابى، الذى وقع بمنطقة بئر العبد بمحافظة شمال سيناء.
واضاف احد النشطاء، يااااه ع وجع القلب ... المدرسه# كلها #ماتت#. زملائي و طلابى بـ مدرسه الروضه الثانويه والإعدادية... حسبى الله ونعم الوكيل وانا لله وانا اليه راجعون.
... لما تكون فى الغربه وتسمع وتتابع مجزرة مسجد قريه الروضه. دى القريه اللى ادرس فيها من اكثر من ٥ سنوات اتصلت بزوجتى التى تعمل ب مدرسه الروضه الثانويه أيضا..... عشان اطمن على الجميع من زملائي المعلمين و الطلاب .....
سألتها اخبار الاستاذ محمد سليم مدير المدرسه ث .... قالت استشهد وهو وكل ولادة
طب والأستاذ مصطفى عامر معلم الرياضيات ... قالت اه ودة كمان استشهد
طب والأستاذ عمر سليمان إدارى المدرسه ... قالت اه اه دة كمان استشهد.
طب والطالب محمود شعيشع .... قالت اه استشهد هو و معاه ابوة كمان..
طب والأستاذ سعيد السعيد احمد ابو عيطه قالت اه دة
كان استشهد وهو حاضن ابنه ذو ال ٤ سنوات ..... يا الله
طب والطالب احمد محمد موسى .. قالت استشهد
طب والطالب اسماعيل يونس مطر .. قالت استشهد كمان .. يالله كان طالب متفوق ونبيه ..... يارب صبرنا.
طب والطالب الخلوق عبد الخالق مصطفى حمدان ..قالت استشهد مع اولاد عمة..
واستشهاد امير مجدى Amir Magdy وأصابه والدة الاستاذ مجدى
طب اخبار الاستاذ سليمان مشيط..... استشهد ابنه الوحيد محمد واستشهد أخوة أيضا.. .وهو مصاب بطلق نارى....
قلت لها طب و .......
زوجتى قالت ... بص يا منير ..... خلاص يا منير....
المدرسه كلها ماتت......
المدرسه كلها ماتت ....
المدرسه كلها ماتت...
المدرسه # كلها# ماتت.
