"حسن بتاع الوزير" يشعل مواقع التواصل | المعلمون : "طالما حسن بتاع الكيمياء بياخد 30 مليار جنيه من الشعب يبقي لازم هو اللي يمسك الوزارة"
"حسن بتاع الوزير" يشعل مواقع التواصل | المعلمون : "طالما
حسن بتاع الكيمياء بياخد 30 مليار جنيه من الشعب يبقي لازم هو اللي يمسك
الوزارة"!
أثارت تصريحات الدكتور طارق شوقي وزير التربية والتعليم أمس أمام مجلس
النواب عن حسن مدرس الكيمياء والتي قال فيها: "إحنا كوزارة مفلسين، ولما نطلب
20 جنيه بنشتم، ولما أستاذ حسن بتاع الكيمياء يطلب 2000 جنيه ياخدهم، وفى الآخر
يتقال إن إحنا اللى بنلغى مجانية التعليم، مع إن الشعب قرر يمنح 30 مليار جنيه
لأستاذ حسن بتاع الكيمياء".
وجاءت أبرز تعليقات المعلمين علي تصريحات الوزير علي موقع "الفيسبوك"
كالتالي:-
وقال أحمد رامي تصريحات الوزير تكشف عن فشل الوزارة في كسب ثقة الشعب في
حين حسن بتاع الكيمياء قدر ياخد من الشعب 30 مليار جينة يبقي حسن يمسك الوزارة
أحسن!".
وعلقت أمال محمد علي تصريحات الوزير قائلة " وأية الجديد هي البلد
ماشية كده والوزير مش هايعرف يغير ثقافة شعب ولا البرلمان انا رايي حسن هو اللي
ينفع يمسك علي الأقل الشعب بيثق فيه !".
وطالب حمدي إبراهيم بعدم الحكم علي الدكتور طارق شوقي إلا بعد تطبيق أفكاره
كاملة قائلا" حسن ماسك الوزارة من 60 سنة هو استفاد والبلد ادمر فيها التعليم
والثقافة وكل حاجة أن صوتي للوزير وحسن كفاية عليه اللي خده ".
