الخميس 28 مارس 2024
رئيس مجلس الإدارة
محمد ابراهيم نافع
رئيس التحرير
محمد الصايم
مقالات

لو أنا المسئول (2)

الجمعة 25/أغسطس/2017 - 03:33 م

لو انا مسئول هو تخيل وتصور لموقف فى الحياة التعليمية كنا نتمنى ان نكون مسئولين ونتخذ القرار وهو رؤية شخصية لا تسأل أحد او تفرض رأى وانما هو تصور ربما يساعد وربما يتم اهماله.. لو أنا المسئول 
1- هارفض منحهم إجازة بدون مرتب . فيه ايه ؟ سؤال محير ومحدش فكر فيه.. هو ليه كل مسئول يتم الاقتراب من اقالته او التفكير فى اعفائه من منصبه بديوان الوزارة يقوم بالحصول على اجازة لمدة سنة بدون مرتب.. دا معناه ايه.. هل هو تحايل على القانون وما علاقة هؤلاء الأشخاص (اثناء شغلهم وظائفهم بالديوان) بالأماكن التى سيعملون بها خلال فترة الاجازة بدون مرتب.. هل فعلا يتم ضخ دماء جديدة أم أنهم حصلوا على اجازة لحين رحيل وزير يحارب الفساد الادارى.. لأن الكفاءات تحافظ على اماكنها وتترقى.. دا معناه بيقولوا للوزير احنا فى اجازة لحين رحيلك.. وانا بقول ربنا يخليك فى الوزارة كتيير خالص يا دكتور طارق..

2- ح أصدر قرار بمساواة شباب المعلمين المعينين بالقرارات 53و74و244 لسنة 2011 فى المنيا والجيزة تم تعديل مرتباتهم بناء على احكام قضائية واستحقوا صرف فروق مالية.. فلماذا لا أعطى باقى المعلمين لنفس قرارات التعيين السابقة فى باقى المحافظات حقوقهم المالية دون اللجوء للقضاء.. ام استمر فى مسلسل تكدير واستفزاز المعلمين.. الناس دى مش طالبه اى زيادات دى طالبه حق انتوا حرمتوهم منه.. يعنى حتى القانون مش بتطبقوه صح وتطالبوهم بعد كدا بتنفيذ القوانين.. 

3- عدم التجديد لهم وضخ دماء جديدة.. مين دول؟ القيادات المدرسية والادارات التعليمية التى امضت أكثر من 4 سنوات فى منصبها سواء ندبا او نقلا.. اين تفعيل القوانين.. الفساد الادارى فى اقسام التنسيق..

4- استدعيه للمسائلة. مين دا؟ المحترم اللى كان مسئول عن التطوير الادارى بوزارة التعليم واستقال.. فين أثر التطوير وهو كان احد الشخصيات التى اشرفت على صدور القانون 93 لسنة 2012 واستمر فترة فى عمل اللائحة التنفيذية.. ثغرات الكادر الحالى هو سبب فيها ولا علشان استقال نقفل على الموضوع.. 

5- عمل دورات تثقيف ادارى لتحديث افكار مسئولى الموارد البشرية لأنهم لسه لم يواكبوا القوانين الجديدة ودا مربك فعلا..
 
6- طباعة كتيب يضم الكتب الدورية والقرارت الوزارية والقوانين التى تتعلق بأعمال الادارة التعليمية والمدرسية بدلا من كثرة المراسلات الورقية..

7- ادفع 50 مليون جنيه ليه؟ علشان اتقدم فى التصنيف العالمى للتعليم.. رشوة - طبعا لأ.. لكن لتقوم وزارة الاتصالات بتوصيل انترنت لجميع مدارس الجمهورية على نفقة الوزارة علشان المدارس والادارات والمديريات ترتاح من كلمة مفيش نت عندنا فى أماكن كثيرة.. ولتدريب المعلمين فى اماكنهم بالمدارس باستخدام اوفيس 365 وبالتالى هوفر انتقالات تزيد عن الـ 50 مليون اللى ح ادفعهم لتوصيل انترنت للمدارس أو من بند آخر الغاء هدايا متفوقى الصف السادس الابتدائى (حاسب او لاب) بدل م ادى هدية أوفر للى محتاجه بيتى.. انترنت المدارس ح يساعدنى كتير فى التقدم لو تم استغلاله ايجابيا..