كلام الناس بالشارع (٥)

كلام الناس م بينتهى ولا بيخلص. كلام الناس هو حركتنا وحياتنا. كلام الناس قد يكون طلبات حقيقية وقد يكون احلام نفسنا نعملها نعملها ونحققها وننجح فيها.  فنكون نجحنا وارضينا الناس وحققنا طموحات ونجاحات شخصية بفعل وتأثير كلام الناس.

 

وزير التعليم فى أحد تصريحاته المتميزة يقول انه يساند التعليم الخاص وانه يتمنى انشاء الالاف من المدارس الخاصة. تصريحات موفقة سيادة الوزير. لكن نتمنى منكم دعم التوسع الافقى والرأسى فى المدارس الحالية ومنحها حق زيادة الفصول دون التقيد بالترخيص( واحد ناجح بمدرسته وعليه إقبال. احجمه ليه بالترخيص ) تقييد المدارس الخاصة بالترخيص بعدد فصول معينة هو تقييد للاستثمار. ويا ريت الدولة تدعم وزير التعليم. لأن الاستثمار فى التعليم هو استثمار آمن وطويل المدى.
 

 لكن اتمنى من سيادة الوزير عمل اجتماع مع اتحاد المدارس الخاصة والوقوف بنفسه على مشاكلهم ومتطلباتهم من التعليم الخاص بالوزارة.
 

 النقطة الثانية. 

شكرا وزارة النقل. آه والله " شكرا".. شكرا لأنهم اخيرا عملو تخفيضات واعفاءات لبعض قطاعات الاحتياجات الخاصة فى القطارات الروسية العادية.
 

لكن هناك طلب شعبى للطلاب والموظفين راكبى المسافات القصيرة التى لا تتعدى ال ١٠٠ كيلو متر. احنا كموظفين وكذبك الطلبة عايزين زيادة عدد القطارات الدرجة الثالثة المحسنة " تحيا مصر "  لأنه فى ظل الأوضاع الاقتصادية الحالية صعب على الموظف او الطالب يدفع ٣٠ جنية مواصلات يومية فى القطارات الروسية فقط. ف نتمنى نظرة.
 

النقطة الثالثة.

اسعار الخضار والفاكهة ايه حكايتها ؟ واحد بيقول معايا ٢٠ جنيه ف جيبى. اشترى بيه كيلو مانجا ولا بصل ؟  التصدير مهم طبعا لكن مش على حساب معاناة الناس.
 

النقطة الرابعة. 

متى يتم الانتهاء من تجديد مستشفيات بعض المدن ؟ وكذلك انتظام كافة الأطقم الطبية بالمستشفيات من يتابع دوام انتظامها؟
 

النقطة الخامسة. 

الناس تترقب سبتمبر. هو ايه اللى جاى ؟ احنا اتقال لينا علنا وبثقة _ مفيش تعويم او خفض تانى _ واتقال لينا م تصدقوش حد غيرى واحنا معاك ١٠٠ % لكن المواقع شغالة استفزاز للناس. يا تحاكموا المواقع وتطمنوا الناس  !!!!  يا تغلقوا وتحجبوا المواقع دى لو مواقع خارجية !!!! 
 

الأسلوب الحالى إعلاميا مستفز للناس. لأن سبتمبر شهر المدارس والاستعداد النهائى ليها. وتخيل انك تروح تشترى وتلاقى الأسعار فوق الأسعار الحالية بسبب الاشاعات.. مين اللى بيخوف الناس ومين اللى عايز الناس تصرخ الصراخ فعلا بدأ بأسعار الملخصات الخارجية من شركات ظهرت وبرزت فى العصور  الماضية وانتو فاهمين الباقى.